مقدار من اللحم المرحي مداوي مليح بالملح و الفلفل الاسود و الثوم و ....... تطرحيه فوق ورق الالمنيوم و تحطي الفرماج رابي ومن بعد تحطي المرقاز (نص طياب ) تفرشيه فوق اللحم المرحي على شكل سطر و تلفي اللحم المرحي بواسطة الورق الالمنيوم حتى يتغطى هداك المرقاز و تزيدي تحطي سطر اخر مرقاز و تتبعي نفس الطريقة حتى يخلصلك كمية المرقاز لي عندك وكي يخلص تلفيه بورق الالمنيوم و تربطيه بالخيط في الجناب و فالنص و تحطيه يطيب في الفرن و في كل مرة تدوريه حتى يطيب على كل الجوانب ومن بعد كي تخرجيه تقصيه دواور و يمدلك وحد الشكل يهبل يجي دائرة اللحم و في وسطها دائرة بيضاء تاع الفرماج و في وسطها دوائر صغيرة تاع المرقاز وحطي هذه الدوائر في صحن و صبي عليها صوص بيضاء تكوني داويتيها من قبل و زينيه بالقارص و المعدنوس و شهية طيبة
اسمحولي ماعنديش صور




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©