السلام عليكن اخواتي
حبيت نقدملكم معجون نموت عليه ساهل ماهل وينفع ديسار احنا نديروه في سنيوة النافس يعني اللي تولد تحطو مع الحلويات جزائرية والزرير يجي بريزونتابل
المهم كمية من الفراز زيديلها سكر حسب الرغبة ورشة فاني انا ندير السكر حتى يتغطى الفراز كيما الصورة


تغلفيه وتدخليه الثلاجة 3 ساعات تقريبا وادا كمية كبيرة خليه الليل كامل حتى يدوب كل السكر ويولي سائل



شوفي كمية الماء اللي خرجت منو علاهاذاك مالازمش نزيدو الماء


حطيه على نار من التعليم المتوسطةوكي يبدا يغلي احسبي 3 دقايق وطفي عليه حتى يبقى محافظ على شكلو ومايذوبش
كي يطيب نحي الرغوة اللي تجي لفوق بالملعقة حتى يبقالك مدة طويلة وكي يبرد تماما حطيه في علبة او بورت مونجي وحبيه في الثلاجة وممكن تحتفضي بيه في الكونجي لاتور حتى مدة سنة كاملة







شفتو اسهل منو مفيش
واذا تحبو تقدموه لاولادكم مع فطور الصباح خليوه على النار حتى يبدا يذوب وارحيوه
ايه حقا قدموه بارد جدا خاصة في الصيف يحسسكم بالانتعاش




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©