سلام الله عليكم يا أحبابي
جربت وصفة (جزائرية) الـgateau zébré و نجحتلي،




و هاهي المقادير:
04 بيض
كاس سكر عادي
نص كاس زيت + نص كاس زبدة ذايبة
فانيليا
كيسين (02) خمارة الحلوى
فرينة حتى تنطم العجينة
معجون مشمش أو فراولة أو المتوفر عندك.
شكولا ذايبة

نبدأ بالبيض و السكر حتى يتضاعف الحجم + خليط الزبدة و الزيت و نستمر في الخلط + الفانيليا+ الفرينة و الخميرة بالتدريج حتى نتحصل على عجينة طرية.
نقسم العجينة إلى 3 أقسام، ندهن السنيوة بالزيت و الفرينة ثم نحل العجينة الأولى و نحط فوقها طبقة من المعجون و نتقبها بالفرشيطة ثم نزيد نحل العجينة الثانية ز ندهن بالمعجون ثم الطبقة الثالثة نتقب بالفرشيطة باه ما تنتفخش، ندخلها للفرن مسخن من قبل 160 درجة حت يطيب.
لما يبرد نعمل طبقة من الشكولا الذايبة و ننزينها حسب الذوق و عندما تنشف نقطعها مقروطات أو مربعات أو مثلثات حسب الذوق و نحطها في كيسات.
بالصحة و الهناء.
هذي الكيفية تقطعلك ما شاء الله ، بنينة و تحمر الوجه نتمنى تجربوها





<legend>الصور المرفقة</legend>
20130920 2.jpg&rlm; (11.0 كيلوبايت, المشاهدات 319)
20130920 1.jpg&rlm; (11.3 كيلوبايت, المشاهدات 307)



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©