السلام عليكم
كيف الحال و الأحوال حبوباتي؟ ان شاء الله راكم بكل بخير
جبتلكم خبيزات اللوز من المطبخ جزائري الجزائري بذوق خيالي تقولي راكي تاكلي في قلب اللوز ههههه
نتمنى تجربوها و تعجبكم


المقادير




6 بيضات
كاس لوز بقشوره و يمكنك تعملي اي نوع مكسرات متوفر عندك
كاس بيمو مرحي
ربع كاس سكر
3/4 كاس زيت
3 ملاعق صغار خميرة كيميائية
قشور الليمون او البرتقال الي متوفر عندك
السيرو
كاس و نصف سكر + 3 كؤوس ماء عصير الليمون و 3 ملاعق ماء الزهر او ماء الورد حسب الرغبة

الطريقة
نرحو اللوز و نخلطه مع البيمو المرحي نضيف الخميرة الكيميائية و قشور الليمون و نحطهم بجهة (الخلطة 1)
نخلط البيض مع السكر و رشة ملح و قشور الليمون في الخلاط و نضيف الزيت على شكل خط رفيع
نقص في سرعة الخلاط و نضيف الخلطة 1 على خليط البيض
ندهن المول و من الاحسن يكون بيركس بالزبدة و نفرغ الخليط و ندخله الفرن من 30-35 د حسب الفرن لي عندك
نوجدو السيرو على النار نضع السكر و الماء لما نقرب نطفي عليهم نزيدلهم عصير الليمون و ماء الزهر
لما نسقيو البسبوسة تاعنا بالسيرو نخلوها تبرد تماما و نزينها بالنواد كوكو او المتوفر عندك من مكسرات
من المستحسن نخلوها تبات ليلة بصح نصارحكم جامي درتها و صبرت عليها مع تبرد نكون معاها

لانه فعلا ذوقها لا يقاوم و كانني ناكل في قلب اللوز ههههههه
نتمنى فعلا تجربوها و تقولولي رأيكم





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©