قلت مادام راه وقت البرتقالاذا كليتيه او عصرتيه القشرة نتاعو ما ترميهاش استعمليها في وصفات جزائرية كيما هاذي


المقادير:


6 حبات بيض، 6 ملاعق زيت، قشور حبة برتقال، كيس ونص خمارة القاطو، 6 ملاعق كبار معمرين سكر، 2 ملاعق كبار كاكاو، 6 ملاعق كبار فرينة


الكريمة : ربع لتر حليب سكر حسب الذوق 2ملاعق كاكاو 2 ملاعق كبار مايزينة قشور برتقال حطيهم فوق النار مع التحريك حتى تتحصلي على كريمة خليها تبرد اضيفيلها شوية كرام شانتيي باش تجي خفيفة


الكريمة لي من فوق : 100غ كرام شانتيي+2 ملاعق سكر رطب+2 ملاعق كاكاو


الحواشي درت نوادكوكو وكاكاو


الطريقة:

افصلي الصفار على البياض ضربي الصفار حتى يصبح لونه افتح ثم اضيفي الزيت و خلطي مليح منجهة اخرى غربلي الفرينة مع الكاكاو و الخمارة ثم رابي فوقهم البرتقال باش تتشرب كامل النكهة ثم ضربي البياض مع قرصة ملح حتى يطلع ثم ابداي ضيفي في السكر اضيفي عليه خليط الصفار مع التحريك من الاسفل الى اعلى باش ما يهبطش البيض ثم الفرينة بنفس الطريقة ديريها في مول مربع مدهون ومرشوش فرينة دخليها الفرن مسخن مسبقا


كي تطيب خليها تبرد اقسميها على زوج ديري الكريمة ثم الاغلقيها وغطيها من برا بالكرام شانتيي وزوقيها كيما تحبي و اذا حبيتي فكرة الورقة بالشيكولا ساهلة ذوبي شيكولا بدون ما تضيفيلها اي حاجة اغسلي ورقات يكونو ملاح نتاع تشينة ادهنيهم من الجهة السفلى ديريهم في الكونجيلاتور بمجرد تنشف نحيها وراها راح تنفصل الشيكولا عن الورقة بسهولة دعواتكم











©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©