السلام عليكم ورحمه الله و بركاته
كل سنه و كل ام بالف خير يارب
و بمناسبة عيد الام انا فكرت اعمل لماما حاجه بتحبها و اخدها مع هديتي ليها و انا رايحة عندها
و طبعا لانها بتعشق مربى الفراولة
فانا من كام يوم اشتريت 3 كيلو فراولة و عملت بيهم احلاااااااااااا مربي
و قلت افرجكم بقي علي عمايل ايدي
خدوا بقي المقادير اللي عملتها
3 كيلو فراولة
كيلو نصف سكر
2 ليمونه
فانيليا
تعالوا بقي شوفوا انا عملت ايه
** غسلت الفراولة يجي مائة مره كده بس ..
** و حطيت عليها السكر و تركتها في الثلاجة لتاني يوم لما تنزل كل ميتها
** تاني يوم علقتها علي نار هادئة مع الفانيليا
و لما بدات الغليان كل شويه اشيل الريم الابيض من عالوجه
** بعد كده اضفت الليمون و تركتها لمده خمس دقائق كمان
** و بصوا بقي علي شكل الفراولة
اللي تحب تتابع الخطوات واحده واحده في الفيديو هنا
صنعه ايديا و حياة عنياااااااااااااا
ادعوا لي اخواتي الكرام بالستر و الصحة و الرزق الحلال و ربنا يبارك لي في اولادي
امين يارب العالمين
اتمني تكون طريقتي نالت اعجابكم
في امان الله
رد مع اقتباس
