سلام حبوباتي اليوم جبتلكم لاتورت على طريقتي ومن كوزينتي سخونة وتشهي والبنة واش نقوللكم هاهم التصاور مع الشرح مفصل ونشالله نفريها لاكونيكسيو تهبل بسم الله
هاذي كي وجدت وبدا الهجوم
المقادير: 700غ فرينة+ مغرف صغيرة ملح+ مغرف صغيرة سكر+ مغرف كبيرة خميرة+3مغارف زيت أعجني بالماء مليح وكي تبدا تعمل نبولات ضيفيلها الزبدة حوالي 50غ بالشوي حتان تخلصي ضرك تجي طرية وتولي ما تلصقش ورطبة حطيها تطلع في مكان دافي ومن قبل تكوني جهزتي الحشوة الي هي عبارة عن صوص طوماط وطون وزيتون أسود وأخضر ومايوناز ومعدنوس و2 بيضات مغليين وفرماج ولك الاختيار كي تطلع حليها أقسميها النصفين نصف أكبر من نصف النصف الكبير حليه وطلعي لحواشي وحطي عليها الحشو والنصف الصغير غطي بيه غير الحشو وهذاك الحشو الأول ستفي حذاه الزيتون لخضر بلا علف وعاودي أغلقيه وتجي النتيجة هكذا ومبعد ادهني الوجه بالبيض وذرذري الجلجلانية وأعملي ثقبة في الوسط وحطيها طيب أوف أخيرا كملت





ونشالله تعجبكم


<legend>الصور المرفقة</legend>
4.jpg&rlm; (10.4 كيلوبايت, المشاهدات 157)
5.jpg&rlm; (10.7 كيلوبايت, المشاهدات 157)
1.jpg&rlm; (10.9 كيلوبايت, المشاهدات 52)



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©