.:.تنبيهات مهمة جديدة وقديمة.:



بسم الله الرحمن الرحيم


عزيزاتي بالموضوع دا مجموعة من التنبيهات المهمة بعضها جديد وبعضها من كتر أسئلة العضوات على الخاص حبيت أكررها بوضوح أكتر



1 - كريم إملا 5% Emla 5% cream

دا كريم مخدر موضعي بيستخدم كمخدر للجلد قبل الليزر أو حقن الجلد زي الميزو أو الفيلر أو البوتوكس أو حتى بعض البنات بيستخدموه قبل إزالة الشعر

الكريم آمن مادام بتستخدميه على منطقة صغيره في الجلسة يعني مثلا على الوجه فقط أو على المنطقة الحساسة فقط

التنبيه >> ممنوع وضع الكريم على مساحة كبيرة من الجسم

فيه أبحاث أجنبية قالت إنه لما إندهن على مساحات كبيرة من الجسم ( في جلسات الليزر لكل الجسم الطبيب ممكن يقول ادهني إملا على الظهر والرجل والذراع مثلا) حدثت حالات وفاة فجائية وتوقف في القلب

الأبحاث لم يتم تأكيدها وإعتمادها لكن من باب الإحتياط والحذر .. لأنه كلام جديد إتذكر في آخر مؤتمر من يومين

يعني كريم إملا 5% ممنوع على المساحات الكبيرة من الجسم

التنبيه دا على إملا كريم فقط

-=-=-=-=-

2 - الديرمارولر

المقاسات:

* للنضارة وتأخير التجاعيد والعناية الأسبوعية .. مقاس 0.25 أو 0.5 مللي ... أول شهر جلسه كل أسبوع بعدها جلسة كل شهر

* للندبات .. مقاس 1 أو 1.5 ... جلسه كل شهر ونص تقريبا << في جلسات الندبات بنتعمد إن ينزل دم كتير في الجلسة

لو راجعتوا شرحي في موضوع الندبات قلت فيها مش لازم ينزل دم ولو نزل يبقى 3 نقط كفاية .. دا في حالة العناية والنضارة العادية يعني لو البشرة مافيهاش مشاكل

أما الجلسات العلاجية زي الندبات .. فيستحسن ينزل دم معناها إننا بنحفز الطبقات العميقة من الجلد

* لعلامات التمدد الخطوط البيضا والحمرا .. مقاس 1 أو 1.5 مللي .. جلسه كل شهر أو كل شهر ونص


-=-=-=-=-

3 - الكلف

أيا كان أسباب الكلف أو علاجه سواء تقشير كيميائي مع مبيضات أو جلسات كريستالي مع مبيضات أو حتى تركيبة كريمات وتقشير

فلازم تبقي عارفه إن الكلف مزمن ومش بيتعالج نهائي

وإحتمال كبير لو عالجتيه يرجع تاني فلازم تحافظي على النتيجة دايما بواقي شمس قوي ومفتحات طبيعيه كل فترة وجلسات كريستالي

ولما بيتعالج الكلف لأنه بيكون خلايا صبغية في طبقات البشرة السطحية ودي علاجها سهل وخلايا صبغية في طبقات البشرة العميقة ودي صعبه

فتيجي المريضة تقول الكلف ماختفاش تماما.. أكيد لأن السطحي بس هو اللي استجاب للعلاج أما العميق فدا مالوش علاج خالص ولا حتى الليزر

-=-=-=-=-

4- التقشير الكيميائي للبشرات الفاتحة فقط

لو بشرة سمرا عملته هايسببلها بقع صعب علاجها

-=-=-=-=-

تقريبا دي بعض تنبيهات مهمه كنت حابه أقولها خصوصا التنبيه المتعلق بإملا كريم
موضوع مقدم من منتديات ديزاد (منتدى الحصريات)


©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©