كوني جميلة بكل مافي الكلمة من معنى ( شعر يجنن . بشرة نضره . جسم واااو . سعا



السلام عليكم ورحمة الله وبركاته



مين منا تريدان تكون كاملة والكامل الله
مين منا تريد ان تكون رشيقه وجسمها منحوت
مين منا تريد ان تكون بشرتها ناعمة وصافيه
مين منا تريد شعرها كثيف وطويل وحلو




لاتقولون مستحيل لانه كله ممكن يصير بس يبليه 3 قواعد أساسية :
1- أنك تكونين تبين هذا الشي من كل قلبك
2- أنك تجتهدين وتصبرين لما توصلين له
3- أنك تدعين ربي يقويك على تحقيقه
طبعا أنا اكتشفت هذا الشي وعرفت اني راح اندم لو ماهتميت بنفسي اللحين
عرفت انا ايش راح افوت على نفسي لو اهملتها اكثر
تخيلت اني ادخل غرفه والكل يقول ماشاءالله عليها تغيرت مرره واحلوت اكثر
تخيلت اني اناظر نفسي بالمرايه ويكون مافي شي ابيه يتعدل فيني
تخيلت اني اقوم الصبح بكل بساطه واخذ أي لبس من الدولاب بدون ما افكر هذا بيطلعني دبه ولا نحيفه
واوقف عند المرايه ومايحتاج وجهي اني احط أي كريمات او كحل او غيره لاني وجهي بيكون صافي ونضر
ولا الشعر بيكون اخر همي لانه مايحتاج اقعد افكر وش باصلحه وشلون اخليه يطلع حلو
تخيلتوا معي ؟؟ ماراح تكون حياتنا حلوة بدون هموم الشكل ؟؟
طيب كيـــــف ؟؟
أولا – هالموضوع ماراح يكون سهل يبيله اصرار ومداومة والتزام تام
ثانيا – ماراح يصير في ليله وضحاها
ثالثا - لازم تكونين مقتنعه تماما انه راح يفيدك




اول شي راح اقولكم سبب هذا كله هالاسبوع اللي راح كان من اصعب الاسابيع اللي مرت عليه حسيت فيه ان بيصير لي شي من الهم والغم اللي كنت عايشة فيه وفي يوم الجمعه
جلست مع نفسي فترة طويلة ومسكت ورقه وقلم وكتبت كل اللي مزعجني في حياتي ومضايقني وكل شي احس اني ممكن اغيره عشان يخلي حياتي افضل كتبته بورقه ثانيه واما الباقي اللي ماقدر اغيرهم فاكتشفت ان مافي حل الا اني اتقبلهم
مثلا : وزني اقدر اغيره لكن شخص سيء في حياتي ماقدر اغيره فيا اني اتقبله يا اني اتعلم كيف اتجاهله
طيب خلاص سويتوا كذا ؟؟
طيب اكتبي اهدافك بورقة بالترتبيب الاهم فالمهم ؟؟
انا مثلا كتبت :
1 – اتقرب لربي .
2- انحف 20 كيلو
3 – اعدل من صفات في شخصيتي
4 – احصل على الشعر والبشرة اللي انا ابيهم
................ وغيره
بعدين سويت لي خطه معقولة على اني كيف احصل على هاذي الاشياء
طبعا بداية الخطة شهرين و انا سويت الجداول على اساس انها شهرين فقط << ليه ؟؟
لاني حلفت عليهم وماكنت ابي احلف على الاشياء اللي كتبتها اطول من كذا لان يمكن يطرا على بالي تغيير
طبعا ماطول عليكم اكثر من كذا هنا زبدة المووضوع
-------------------------------------------------------------------
-----------------------------------------------------------
----------------------------------------------------------------
((الــــرجــــيــــــــم ))
1 – رجيم الكاربوهيدرات .. يجرب لمدة اقلها أسبوعين يجب ينزل فيها 3 كيلو على الأقل إذا ما نزل أو ما إرتحتي نروح للرجيم الثاني .
2 – رجيم وجبة كل ساعتين.. اقل مدة له 5 أيام
3 – رجيم الـ calorie shifting تلجئين له إذا مليتي من اللي فوق بس له شروط وهو تستمرين عليه اقل شي أسبوعين وتتراوح سعراته أول يومين 1000 ثاني يومين 600 ثالث يومين 800 وكذا لا تنزل ولا تزيد .<< هذا الرجيم هو رجيم تغيير السعرات يعني اذا فطورك في اول يوم 200 وغداك 400 وعشاك 300 تبدلين تخلين فطورك 400 وغداك 300 وعشاك 200 وكذا ومو نفس السعرات كل يوم
ممكن تكسرين الرجيم بيوم نوع واحد أو عصير كسر ثبات الوزن .
الوجبة المفتوحة: مره كل أسبوع بدون تهور ولا يتعدى الثلاث أصناف .
اليوم المفتوح: راح يكونون يومين في الإجازة



طبعاا مو شرط نفس رجيماتي تقدرين تاخذين لك اي 3 رجيمات تحبينهم وتحسي انك راح تنحفين عليهم
---------------------------------------------------------
أشياء معتمده خارج الرجيم :
شاي الإعشاب 3 مرات كل يوم
زبادي علبة مره في اليوم
ملعقة زيت زيتون أو كتان
الإكثار من الفاكهة و الخضار< مهما كان الرجيم
3 تمرات في ايام الدورة او عند رغبة السكر
شرب لترين أو أكثر من الماء
حبوب زنك وحديد < عندي نقص
ولازم تعرفين اذا عندك نقص من أي الفيتامينات ضرووري تعالجينه والا ماراح يتعدل شعرك ولا بشرتك ولا حتى مسوى نزول وزنك
============================== ==
=============================
((الــريـــاضــــة ))
أول أسبوعين = مشي نص ساعة 5 مرات بالأسبوع + 50 تمرين نط و 50 تمرين شد بطن يوميا << تمارين النط تكون في الصباح او اول ماتقومين لانها تعطيك نشاط وتحرك القلب والدورة الدمويه واما البطن اختاري أي وقت واي تمرين للبطن + تمارين جورج كروز المستوى الثاني والثالث<< انا ماراح اسوي الاول لاني قد سويته قبل .. طبعا يكون المستوى الثاني في الاسبوع الاول والمستوى الثالث في الاسبوع الثاني
ثاني أسبوعين = مشي 35 – 40 دقيقة 6 مرات بالأسبوع + 100 تمرين نط وشد بطن يوميا
تمارين منوعة لمدة 20 دقيقه منها 5 دقايق نطة الاكس و 5 دقايق تمارين الجزء الاسفل و5 دقايق تمارين الجزء الاعلى و5 دقايق تمارين البطن 3 أيام + تمارين الايروبيكس مدة 25 دقيقة المستوى الوسط وممكن تستبدلينها ب صعود الدرج ونزولة 5 دقايق وعالاوربت تراك الباقي 3 أيام
ثالث أسبوعين = مشي ساعة إلى ربع 6 مرات بالأسبوع + 150 تمرين نط وبطن يوميا
تمارين منوعة 3 أيام + ايروبيكس المستوى العالي مدة 25 دقيقة وتستبدل ب 10 دقيقه درج و والاوربت 15 دقيقة 3 ايام
رابع أسبوعين = مشي 50 – 60 دقيقة يوميا + 200 تمرين نط وشد بطن يوميا
الايروبيكس 35 دقيقة المستوى العالي وتستبدل ب 15 دقيقة درج و واوربت تراك 20 دقيقه 5 – 6 ايام .\
============================
========================
==============================



طيب خلصنا من الرياضة والرجيم نجي لخطة الشعر :
(( الشعر ))
1 – زيت النارجيل + م مايونيز + م عسل + م زبادي = مره في الأسبوع
2 – زيت النارجيل مخلوط مع باقي الزيوت = مرة في الأسبوع
3 – تونيك الفازلين أو زيت السمسم بعد كل حمام .
4 – م سدر + م حنة + م زبادي + ملعقة خل = مره في الأسبوع
هاذي أساسية تبين تزيدين زيدي تغيرين بالزيت ممكن .<< ترا هاذي انا كاتبتها لنفسي عشان ما اتعذر ههههه
رقم واحد هو ماسك للشعر ممكن تبدلينه باي ماسك
رقم اثنين هو زيت ممكن تبدلينه باي زيت زي انا اليوم حاطه دابر املا
رقم ثلاثة هاذي طريقة حور الجنان الله يخليها لما تخلصين من الحمام جيبي نقط من زيت السمسم شوي وادهنيها على شعرك وهو رطب مرره حلوة للشعر
رقم اربعه أي وصفه تحبينها للحنه او اذا صابغة للسدر
انا معبيه قهوة برشاش وابخ على شعري واغسله بمويه بعدين احط الزيت الي ابيه << يعني هذا زيادة
============================== ==
==========================
============================== ==
طيب البشرة والجسم << وهاذ ي اللي حست عندها بس بعدين رسيت على هاذي الخطة
(( البشرة ))
للعناية اليومية : للوجه : منظف الحليب و تونك و كريم مرطب << منظف الحليب من جونسون و التونك والكريم المرطب احيانا استخدم كريم فيتامين eمن بودي شوب واحيانا اولاي
لليدين : مرطب < استخدم فازلين الوردي
للعيون والرموش = كحل نواة التمر
قبل النوم : ترطيب الجسم << مسوية لي كريم من مخي و تنظيف و دهن الوجه << تنظيفه اما بغسول تحبينه او بالماء والكريم اللي استخدمه اولاي بالتوت البري لتقتيح البشرة
للفم : غسل الاسنان بغرغرة الملح قبل النوم مع التفريش 3 مرات << انا استعمل معجونين عشاني مركبة تقويم واحد منظف ومطهر والثاني مبيض حق سيجنال << مره حلو
2 - صنفرة للجسم مره في الأسبوع.<< أي صنفرة روحي قسم البشرة والله ان تدوخين .
3 – صنفرة للوجه أو ماسك مرتين في الأسبوع .<< برضو أي شي
4 – استعمال الخلطة الصابونية بدل من الصابون 3 مرات .<< اذا تبين تستخدمين العادي براحتك بس انا لان عندي اغلب الصوابين بالوصفة فحبيت استخدمها



5 - تقشير وتنظيف اليد 3 مرات في الأسبوع.<عندي مشاكل بيدي اناهههه يمكن بعضكم مايحتاج مره تكفي
6 - استعمال ملح الحليب أو مقشر مع كل حمام أو إي خلطة للجسم.<< يعني في وقت التروش حطي مقشر او ملح الحليب شي مايضطرك انك تقعدين فيه كثير مثل زيت زيتون وسكر<< رهيب حطيه دقيقه وغسليه
7 – التشققات والسيلولايت عناية يوميه بالزيت و الكريم .<< طبعا انا عندي زيت من برا خالي جايبه لي وبجربه وبشوف مع كريم بيبانثين انا طلبت بانثينول وجابلي هذا قلت يله اجربه وش وراي وبعدين انا واثق هان أي شي مع الاستمرار بيفيد
8 – المساج يوميا على كل مناطق الجسم والوجه << طبعا المساج فوائد لاتعد ولا تحصى اذا حطيتي كريم ترطيب الجسم دلكي شوي وش بيضرك ؟؟!!



==============================
=======================
=====================
طيب خلصنااا من هذاا كله اللحين في شي انا بكتبه للبنات اللي زيي ويقولون ماعندنا وقت نصلي كذا ولا نقرا القران بحطلكم الاشياء اللي بديت اسويها ووراح استمر فيها باذن الله لان لو ربي مو راضي علينا ماراح يصير أي شي نبيه
1 – المحافظة على النوافل والخشوع في الصلاة << كيف تعرفين انك خشعتي في صلاتك لما تقدرين تقولين بالضبط وش قريتي في كل ركعة
2- قراءة صفحة من القران يوميا و حفظ سورة قصيره او ايه .
3 – المحافظة على الاذكار
4 – الصدقة على الاقل مرة بالاسبوع
5 – الاستغفار 200 مره واكثر
6 – الابتعاد عن المعاصي والتوبة عنهم




ملاحظات :
1- انا حلفت على هذا النظام لان في حياتي ماكملت شي اكثر من اسبوعين وانا كلي ثقة بنفسي هالمرة اني باكمل الشهرين
2- بالنسبة لي انا بديت من امس مع ان ماكان عندي كل اللوازم لكني ماتعذرت وبديت .
3- بنات اهم شي ماتصيرون مهووسين بهدفكم خلي الورقة قدام عينك سوي اللي فيها وخلاص ريحي مخك باقي اليوم ولا تشغلين نفسك بزيادة ترا انا لما صرت مهووسة اني انحف مانحفت لكن على قولة امي (( اغفلي شوي )) يعني سوي الي قررتي عليه والباقي بيد الله
4- خلي عندك ثقة بنفسك قويه خلاص هذا هو وقت انك تحققين اللي تبينه .
5- لا تتعذرون بالوقت ترا ماياخذ منك شي ممكن التجهيز ياخذ ساعة او اقل وباقي الاشياء ماتاخذ اكثر من 5 دقايق والرياضة هي اللي بس ممكن تصير باكثر الاحاول ساعة ونص الى ساعتين تقدرين تطلعين لها مكان في يومك صح .
6- ولاتقولون عندي اختبارات ومدري وشو انا بعد عندي اختبارات ونسبة بس محد طلب مني اني اخترع ذرة لا بس اللهم امشي على جدول بسيط كذا ولا كذا انا راح اكل . كذا والا كذا انا راح اتحمم اجل ورا ماسوي الي راح ينفعني .
منقول لعيون احلى سيدات لا تحرموني من ردودكم وادعيولي بالزوج الصالح
موضوع مقدم من منتديات ديزاد (منتدى الحصريات)


©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©