أختي أم أحمد ،، لابد أنكي لاحظتي أن المحاسبة تختلف عن بعضها البعض في ما يخص الوحدات ،، مثلا : وحدة 1 ، 2 ، 3 ، 4 هي محاسبة عامة وهي سهلا جدا ،، صدقيني راهي في متناول أي شخص يكون يعرف 1+1 كم تساوي ،،
صدقيني راهي ساهلة ،، ومع ذلك ما ننصحكش تضيعي وقتك في دراستها ،، لأنك لو تشوفي للموضوع باك العام لي فات ،، طاحت في موضوع واحد وعليها 4 نقاط فقط ، وكل المؤشرات تقول بلي رايحا تكون نفس الشئ هاذ العام ،، يعني محاسبة عامة في موضوع واحد وعليها 4 نقاط ،، وحتى ولو إفترضنا أنها تجي عليها 8 نقاط في موضوع ،، في هذه الحالة من الصعب أنها طيح في الموضوع الآخر،،لذلك نصيحتي ليك ،، ركزي على الوحدات ،6 ، 7 ، 8 ، 9 ،، تحليل الإستغلال الوظيفي ،، تحليل الإستغلال التفاضلي وجدول حسابات النتائج ،، صدقيني راهم في المتناول ،، جدول وطبق ،، قوانين وطبق ،، بسيطة جدا ،،، ركزي عليهم ،، حلي بزاف تمارين رائعة فيهم ،، وبعدها كي يكفيك الوقت ،، أدرسي شويا محاسبة تحليلية ،، كاين فيه جدول توزيع الأعباء و العمليات تاع خدمات متبادلة ،، ولما لا طريقة حساب تكلفة الشراء لأنها سهلة ولا تدخل فيها حسابات cump ،، بإمكانك فهمها بسهولة ،،، صدقيني هاذو يكفيوك ،، ديري في الباك التمرين تاع تحليل الإستغلال لي عليه 8 ، زد إلى ذلك تمرين يكون علي 4 نقاط ، يكون في تحليل الإستغلال أو إعداد الميزانية الوظيفية ، وتزيدي طيّري زوج نقاط من المحاسبة التحليلية ،، وإنتي ديتي 12 بسهولة ، هاذي أبصط حاجة ،، زيدي ركزي على مواد الحفظ كثير،، عليك بحفظ الإقتصاد والإجتماعيات والعلوم الشرعية 200 % ،، قانون أيضا ،، لازم تجيي نتيجة جيدة فيهم ،، من 15 وطلع ،، هكذا باش يرجعولك شوية المواد لي ماشي قاوية فيهم كما المادة الرياضيات والمحاسبة ،، أعرفي كيفاش توزعي وقتك برك ومولاها ربي ،، لي مكتبهالك ربي ،، هذيك هي ،،

يعني من الأحسن تلقاي شخص تدرسي معاه ،، منها يفهمك وفي نفس الوقت أنا متأكد أنها ستكون لمراجعة شاملة جيدة لهاذ الشخص وفي الآخير سيتفيد منك قد ما تستفادي أنتي من هاذ الشخص
نتمنالك التوفيق أختي أم أحمد






©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©