شفت هاذ الكرام ديسار في النت وفي منتدى اخر فجربتو وخرج روعة بشهادة اللي ذاقوه فقلت نوريه للحنونات انا عبرت بكاس اينوكس عمريه سكر ديريه في كاسرونة من الاحسن اينوكس واخدميه كراميل تحت نار هادية بلا ما تزيديلو الماء كيما هاك ديريه في قالب الكيك وحطيه بجهة ثم اخدمي الطبقة الثانية فيها 2بيضات +ثلاث ارباع كاس سكر+ ملعقة صغيرة فاني+كاس و نصف حليب بودرة+2كاس ماء خلطيهم في الخلاط ونضعهم فوق الكراميل اللي يكون برد الان نحضر الطبقة الثالثة وهي الكيكة 2بيضات+كاس وربع فرينة+نصف كاس زيت +ملعقة فاني +نصف كاس حليب +باطة خمارة القاطو+2ملاعق كبار كاكاو+ثلاث ارباع كاس سكرخلطيهم جيدا في الخلاط وصبيه فوق خليط الكرام ديريه يطيب في حمام مائ من 45 الى 50 دقيقة بعد ما يطيب خرجيه من الفرن اتركيه يبرد مليح بعد ما خرجت من الفرن لمديها مليح في ساشي وديريها في الثلاجة مدة سبع ساعات ومن الاحسن تبات ليلة كاملة وقت التقديم اقلبيها بحذر وقدميها اللي يسيح من الكراميل قدميه مع الكرام ديسار وماتنساوش اوخيتكم بالدعاء الصالح




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©