أعزائي ان شاء الله تكونوا في أحسن الأحوال
جبتلكم اليوم وصفة (جزائرية) نحبها بزاف و ان شاء الله تعجبكم و تدعولي
المقادير:
250 غ زبدة طرية
2 صفار بيض
150غ سكر قلاص
150غ مايزينة
فاني و مبشور ليمونة و باكي خمارة حلوة و فرينة حسب الطلب
للحشو: بيمو مطحون و نلموه بالعسل و الزبدة الذايبة حتى نتحصل على عجينة و نشكل كريات صغيرة جدا .
نخدم العجينة حتى نتحصل على عجينة طرية و نخليها تبرد شوية مع الحشو ثم نشكلها كريات صغيرة مثل صفار البيض و نعمرها بالحشو و نغلق عليها و نشكلها مثل حبة الخوخ مثل ما راه موضح فالصور
بعدها نضعها في صينية الفرن و نرشها بملون أحمر مذوب في ماء الزهر و نطيبها و لما نخرجها من الفرن مباشرة نرش عليها السكر قلاص و بعدها نزينها بوردات خضراء من عجينة اللوز او عجينة السكر و نديرلها حبة حلوة صغيرة لتثبيتها
اللي ما عندهاش عجينة سكر او عجينة اللوز تصنع عجينة جوز الهند: جوز الهند مرحي بودرة + ملعقة سكر قلاص + ملون اخضر محلل في قليل من ماء الزهر و نلمها ببياض البيض







من الجهة السفلى نديرها شوية رقيقة و نضغط عليها





ندير فتحة طفيفة بالسكين دون أن نفتح الحبة و يخرج الحشو و نعمل ثقب بأصبعنا الصغير من الجهة العلوية








لا تنسوني من صالح دعائكم








































©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©