اخواتي العزيزات هذه اول مشاركة لي في هذا القسم و جبتلكم هذا القاطو اللي درتو في عرس Batila137 و عجب الجميع و ان شاء الله يعجبكم


نبداو على بركة الله


المقادير


تقيسي المقادير انتاعك بالكاس


كاس بيض , نص كاس سكر , نص كاس زبدة ذايبة و باردة , كاس كاوكاو مقلي و مرحي( مرحي من التعليم المتوسط كيما نتاع الي نديروه في الحشو ) , كاس بيمو مرحي و مغربل , ملعقة كبيرة فاني , ملعقتين كبار نسكافي , ملعقتين كبار كاكاو , و شكارة خميرة نوارة وعسل


و التزيين انت وواش عندك


التحضير

ديري البيض مع السكر تضربيهم مليح و تزيديلهم الزبدة كيما في الصور



وهذا البيمو المرحي تضيفيه هو و الكاوكاو



و من بعد نضيفو الفاني ثم النسكافي و الكاكاو و الخميرة و نخلط مليح




نحكم les moules و ندهنهم بالزبدة و ندير فيهم ملعقة كبيرة من الخليط لانو رايح يطلع و ديريهم يطيبو في فرن مسخن مسبقا




و في هذه الاثناء ديري العسل في الطاوة و تخليه يسخن على النار و تسخني فنجان ماء و ديريلو ملعقتين كبار نسكافي ذوبيها مليح و اضيفي الخليط للعسل .




كي يطيب القاطو خليه يبرد شوية و نحيه من les moules و جيبي العسل واسقي الحبات بالبانسو اسقيهم مليح


و للتزيين ديري النسلي يطيب و من بعد دريه من فوق كما هو موضح بالصور






و هذه طريقة اخرى للتزيين









و اسمحولي ماصورتش الخطوات كلها بالتفصيل راني غير نتعلم و المرة الجاية كي نزيد نديرو نحطلكم صور مفصلة


و اخيرا راني نستنى في تقييمكم


و دعوة خير ليا و لbatila137 ربي يهنيها و يرزقها واش تتمنى و كذلك اختها اللي غسلت المواعن و دارت اعشا و اللي نحبها بزاف


و اللي عندها اي سؤال راني هنا




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©