أولا اسمحولي عل رداءة الصور
المقادير:
1 كلغ فرينة + 3 بيضات + كأش شاي من الزيت + كأس شاي مرغرين ذائبة + نصف كأس شاي ماء زهر + 1 خميرة + قرصة ملح
طريقة التحضير:
نضع الفرينة و نضف الملح و البيض و نحك نزيد الزيت و المرغرين و الزهر والخميرة و حكي مليح بين يديك ومن بعد ديريها فالسيار باه ما يبقاش محبرش
و لمي بالماء و قسميها 6 قرص وخليها ترتاح لنصف ساعة
من بعد اطرحيها مليح كيما الرشتة باستعمال النشا و عمريها من فوق بطبقة تاع النشا باه ما تلصقش كي تروليها كيما فالصورة (ما تشفقيش عل النشا هههههههه )



من بعد رولي العجينة و قطعي مقروضات مايلين بزاف




حطي القنوط تاعك في وسط المقروضة و حلي في الاتجاه المفتوح باه يخرجو الطبقات



زيدي حطي القنوط في النصف و حلي في الاتجاه الثاني


ورايحة تتحصلي على هاذ الشكل



اقليهم في زيت ساخن ونقصي للنار باه ما يتحرقولكش على خاطر رقاق و ما تحمريهمش راهم يطيبو بلون أصفر جميل

من بعد عسليهم و دري عليهم الجلجلانية



نتمنى يعجبوكم وشهية طيبة وصح عيد الجميييييييييييع




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©