حبيباتي كنت وعدتكم أني نحط وصفة (جزائرية) المشكلة وطريقة اعدادها اللي درتها في العيد وهذا وين كتب ربي نبدا بالمقادير العجينة
500غ فرينة+200غ زبدة طريةيها أخدميها مليح وقسميها على 2 اجزاء واحد اكتر من الاخر

الجزء الصغير ضيفيلو 1 ملعقة كاكاو+ +اكستري ماء الزهر وقرصة ملح ولمي بماء الزهر وخليها في ساشي ترتاح
الجزء الكبير ضيفيلو شوي ملون ابيض+اكستري ماء الزهر وقرصة ملح ولمي بماء الزهروخليها في ساشي ترتاح
الحشو
2 كيلات كوكاوبقشورو مرحي
كيلة جوز مرحي
كيلة ناقصة 3 اصباع سكر عادي
اكستري ماء الزهر وفاني
وشوي زبدة ذايبة حوالي 3-4 ملاعق
ولمي صفار بيضة وبيضة كاملة خلي الحشو يرتاح باقي الخطوات بالصور
بعد مايرتاح الحشو سرحيه خشن وقطعيه بدوائر كبار حتان تكمليه بكل

سرحي العجينة البيضاء وقطعيها بنفس الطابع اللي قطعتي بيه الحشو بحيث عدد دوائر نتاع العجينة البيضاء تكون ضعف عدد دوائر الحشو

سرحي العجينة السوداء وقطعيها تاني وعدد الدوائر هي نفسها عدد دوائر نتاع الحشو

دركا ادهني ببياض البيض الدوائر البيضاء ولكن مش كامل تدهنيهم نصفهم فقط وحطي فوقهم الحشو وزيدي ادهني الحشو من الاعلى وحطي عليهم الدوائر العجينة السوداء

نروحو للنصف الباقي من العجينة البيضاء جيبي ستيلو فرغان(جعبة نتاع ستيلو) واثقبي بيه تتحصلي على هذي

نحيهم بالملقط نظيف راهم ساعات يتناحاو حدهم اللي يبقاو استعملي الملقط فقط
أددهنيهم ببياض البيض وحطي فوقهم العجينة البيضاء

قطعي الحبة على 2

ديري شوي بياض البيض وحطي 3 حبات لوز تقدري تقسمي حبة اللوز على 2 اذا جاتك كبيرة

حطيهم في صينية يرتاحو ماطيبيهمش تم تم 3 ساعات أو 4 أو أكتر عادي ومبعدا طيبيهم

كيما يطيبوا وهوما سخونين لميهم في بلاطو وصبي عليهم لعسل يكون خفيف وخليهم يتربو مليح مليح واحد ساعة أو اكتر حتان تشوفيهم تعسلو

قطريهم وعاوديلهم عسيلة ثقيلة (عسل اللي يتباع برا مخفف بشوي ماء الزهر)وديريلهم بريون وكيسات
وهاهم ليك كيفاه جاو بريزانتابل وملاح للعرس



هذي التصويرة من ابورتمانجي


كلمة شكر تكفيني ودعوةفي ظهر الغيب سلالالالالالالالام




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©