السلام عليكم
جات في راسي ندير كيك في لعشيه وماكانش عندي بيض وعجزت نروح نشري ونجي
حوست على وصفه من النت على كيكه بدون بيض ولقيت هاذي من منتديات الجلفه للاخت
http://www.dzbatna.info/vb/showthread.php?t=1206678
ما استعملتش بيكاربونات ماكانش عندي وزدت اضافه صغيره لقشور البرتقال باش تعطي نكهه
وسقيتها بالسيرو لانه مايحبوهاش ناشفه بزاف
وضاعفت المقادير لاني عملت اثنين
ومن فوق ماكانش عندي شوكولا عملت صوص شوكولا كانت ديرها ماما زمان بالكاكاو
تاخذي 5 ملاعق حليب غبره وتزيدي عليه 3 ملاعق سكر حتى 5 انتي والذوق و3 ملاعق كاكاو وكاس ماء ومغرفه صغيره زبده وتخلطي الكل على النار حتى تثقال خليها تبرد
زينت بيها الكيكه و رجعت حطيت من فوق قوفريط كان عندي رابيته لانه ما كانش عندي مكسرات او حتى شي للديكور يعني درت الكيكه على الشي الموجود في الدار ههههه
وهاهي الصور جربوها طعمها رائع





نسيت نشكر الاخت لمسة حنيه على الوصفه
ربي يعطيك ما تتمني شكرا





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©