جربوا قاطو القطيفة وردوا لي بالخبر
إليكم المقادير :

3حبات بيض
كاس ونصف سكر قلاصي
باطة مارغرين بلاط
2 ملاعق كاكاو أسود
فانيليا
باكي خميرة نوارة
كاس مايزينة
فرينة

التحضيـــــــــر:

تحطي المارغرين والسكر تخلطيهم مليح ثم تضيفي البيض ثم الكاكاو وتقدري تستغناي عليه ثم تضيفي
المايزينة والخميرة وأخيرا الفرينة حتى تتلم العجينة كيما عجينة الصابلي تحلي العجينة رقيقة شوي وتطبعي شكل قلب وتديريها تطيب على درجة حرارة 180 وبعد ماتطيب خليها تبرد
جيبي صحن ديري فيه مربى المشمش وآخر خلطي فيه نوات كوكو مع الكاكاو الأسود ومبعد جيبي الحلويات جزائرية اللي طيبتيها ومرغيها في المربى ثم عاودي مرغيها في الخليط نتاع النوات كوكو والكاكاو وضعيها في كيسات المادلين مع الدونتيل
والله صدقوني روعة جربوه وخبروني للأسف ماصورتوش في المرة الجاية ان شاء الله نصورولكم




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©