اليوم جبتلكم وصفة (جزائرية) قع الناس تحبها وتعرفها يعني ماشي جديدة مي كي طيبتها قلت نوريهالكم بالاك تعجبكم وصفة (جزائرية) امي اعطتهالها صديقتها بكري هي من شيكوسلوفاكيا
وماما بقات محافظة عليها وواحد مايعرفها مدتهالي وانا فورا على منتدايا العزيز لوكان تفيقلي ههههههههه
نبداو في الوصفة (جزائرية)

4بيض تضربيهم مليح




هنا تدير كاس سكر ونص كاس حليب تخلطيهم مع بعضاهم مليح




وتفرغيهم على البيض وتكملي تضربي




باكية لاليفور ولافاني وتزيدي الفرينة عينك هي ميزانك المهم ماتكونش جارية بزاف وماشي ثقيلة بزاف




نص بواطة زبدة اللي تحبي تكون ذايبة وباردة





كي تخلطي كلشي في اللخر قع فرغي الزبدة الدايبة وخلطي مليح





وخليها ترتاح قد ماترتاح مليح انا خليتها من الصباح وطيبتها حتى لعشية غطوها بصاشي اليمونتار




وتفرغوها من الاحسن في المول نتاع المادلين انا درتها في ليكيسات وحدهم ماعنديش المول البنة روعة مي الشكل هبطولي بزاف
وتحبي تفرغي الكونفيتور في النص


هنا كي طابو
شفتو كيفاش هبطولي لوكان المول نتاعهم يطلعو للفوقب مايروحوش للتحت
مي البنة اممممممممممممممممممم روعة خير من لي موافة ناكلهم من قبل
هذا شكلهم النهائي انا طليتهم بالشوكولا والفرميسالوكل واحدة كيفاش تحب تزين


واش رايكم
ماتنساوش الردود ماشي تتفرجو وتهربو




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©