السلام عليكم
هذا بسكوي رولي بكريمة الليمون لذيذ جدا ومنعش جدا جدا


المقادير
البسكوي
4 بيض( الصفار مفصول عن البياض ) . نطلع البياض بالباتور حتي يولي قوامه تلجي
فاني
125 غ سكر
125غ فرينة
1/2 باكي خميرة




كريمة الليمون
4 حبات ليمون من التعليم المتوسطة الحجم
150غ سكر
3 بيضات
م ك نشاء





الطريقة
نخلط بالباتور صفار البيض +فاني +السكر مليح مدة تقريبا 10 د تم نزيد الفرينة+ الخميرة ( اللي نكونو مغربلينهم من قبل ) تم نضيف بياض التلج تدريجيا
نكب الخليط في بلاطو مغطي بورق الزبدة وندخله للفرن المسخن علي 180 درجة لمدة 15 د تقريبا ة ومن بعد ما يطيب مباشرة نقلبه علي منشفة مطبخ جزائري مبللة بقليل من الماء ونلفه كما هو بالمنشفة ونتركه قليلا الي حين تحضير الكريمة





للكريمة
نخلط كل المقادير في كاسرونة ونحطها علي نار هادئة مع الاستمرار في الخلط حتي الحصول علي كريمة و نخليها تبرد شوية ومن بعد نغطي بيها البيسكوي ونلفه عادي كيما كان
في الاخير نرش عليه شوية سكر قلاسي



ملاحظة
للحصول علي بيسكوي رولي طري ويذوب في الفم .نبلل البيسكوي بقلبل من الشربات (فيها عصير ليمون او عصير برتقال );وذلك باستعمال le pinceau




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©