الوصفة (جزائرية) السابعة


السلام عليكم

جبتلكم اليوم وصفة (جزائرية) متعودة نديرها كنت أخذتها من كتاب كامل شهرزاد كيك و ****ز ( مع بعض التعديل ، مانقدرش ما نغير والو ههه )، نديرها وجي خفيفة تهبببل .

المقادير :
* 5 ملاعق كبيرة فرينة
* 5 ملاعق سكر
* فاني
* 75غ مارغاين
* 3 بيض كبار
* 1 ملعقة كبيرة ونصف كاكاو ( أنا الكاكاو اللي كان عاندي ماهوش نوعية جيدة ، المفروض رسمية تخرج الكيكة سوداء أكثر )
* 1/2 علبة شكلاطة سوداء ( انا استعملت أومباسادور نوار )
* 1 كيس خميرة الحلويات جزائرية

الطريقة :
1- ذوبي الشكلاطة والمارغارين و ملعقة سكر في حمام مائي.
2- اخفقي بياض البيض جيدا .
3- اخفقي صفار البيض مع السكر المتبقي والفاني في إناء آخر جيدا ثم أضيفي الشكلاطة الذائبة وواصلي الخفق.
4- أضيفي بياض البيض و اخلطي بواسطة ملعقة من الأسفل إلى الأعلى .
5- أضيفي الفرينة المنخولة والخميرة والكاكاو وااخلطي دائما بالملعقة برفق من الأسفل إلى الأعلى.
6- أفرغي الخليط في مول الفرن المدهون و إلى الفرن المسخن مسبقا ( تطهى على درجة حرارة 180درجة مئوية لمدة 10-15د حتى تبدأ في الارتفاع ثم تخفض الحرارة إلى 140-160 درجة حتى تحمر ) وكل واحد أدرى بالفرن نتاعها .
7- أنا رشيت فوقها سكر رطب و ذوبت الشكلاطة المتبقية و بواسطة ملعقة صغيرة سكبتها بشكل عشوائي وزينت بحبات فراولة ( مسروقين هههه ).

شوفو شحال بنينة، لما تاكلوها تحسو طعم الشكلاطة في الكيكة ، راهي بسيطة ولكن فاخرة في نفس الوقت :


أنا ماصورتش الخطوات لأنني كنت مانعرفش نحط الصور فقط صورت النتيجة النهائية لذا رايحة نحطلكم الصور اللي في الكتاب كامل ، شوفو راني عملت تماما مثل الخطوات هاذو :


جربوها ماتندموش




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©