السلام عليكن ورحمة الله وبركاته حراير ديزاد باتنة ان شاء الله تكونو بخير
درت البارح هاذ الميني كيك الي هوما في الاصل مادلان انا ما كانش عندنا لي كيسات تاع المادلان درتهم في قوالب السيليكون برك
خفااااااااااااااااااف بزاف كي الريشة وبنان بزاف صراحة خاصة اذا استعملتو الياوورت لي في الصورة

والاهم انهم اقتصاديين و يندارو في رمشة عين خاصة اذا كانو عندك ضياف تقدري في دقيقة توجديهم وتحطيهم يطيب

اذن بالفووي == المضرب اليدوي== نخفق 2 بيض

ثم بعلبة الياوورت نكيلو كيلة سكر ونخفقوها مع البيض

ثم الياوورت =علبة واحدة

ثم كيلة زيت

ثم عصير نص حبة قارص == انا كان ماكانش استعملت في بلاصتو 2 م قازوز قارس وكانت نتيجة رائعة خاصة من حيث الخفة ==

ثم 2 كيلات فرينة او اكثر على حساب النوع وباكي خميرة ونطيبوهم عادي

نسيت ما صورتهمش قبل ما نحطهم في الفور

كي يطيبو نقلبوهم ونزينوهم حسب واش كاين
انا درت غير شوي كرام شانتيي




وتقدم


وصفة (جزائرية) سهلة جدا وتندار في وقت قياسي وخفيفة وبنينة
نتمنى تعجبكم
هاذو لي مول لي استعملت

...........سلاااااااامي








©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©