تحياتي غالياتي وان شاء الله تكونو بخير

عملت قلب اللوز بطريقة اظن جديدة عليكم وان شاء الله تعجبكم
الصراحة انا شفتها في برنامج طبخ جزائري مصري لكن عدلت فيها وعملتها بطريقتنا الجزائرية
انا متاكدة ان شاء الله ان طعمها راح يبهركم
المقادير
4بيضات
كاس حليب سائل
كاس الا ربع زيت
كاس سكر
2كيسان سميد من التعليم المتوسط
كاس نوا دكوكو اي جوز الهند
2خميرة كيميائية
عسل مخفف بماء الزهر
نخلط البيض مع السكر جيدا نضيف الزيت ثم الحليب مع الخلط دائما ثم السميد والنوادكوكو والخميرة
نحضر الفرن مسبقا علي درجة حرارة 200
ندهن الصينية بالزيت ونصب فيها الخليط وللفرن من 20الي 30دقيقة حسب حرارة الفرن وعينك ميزائك
مع اهم الصور
هدا الخليط


خرجت من الفرن سخونة تغلي

شحرتها ودرردرت عليها نوادكوكو






عجبتني طريقة ام كوثر في التقديم راني نقلت عليها يعطيها الصحة


ادا عجبتكم وحتي ادا ما عجبتكمش دعوة بالرحمة لوالدي
راني علجالكم سهرت خاطر النت الان مليحة




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©