بسم الله الرحمن الرحيم





هاذ السفنج هشوووووووووووووش و خفيف و ماشي ميدم و حتى الزيت لي تقلي فيه يقعد هوهو
على عكس التقليدي للحبة تقليها في ربع ليترة زيت

المقادير :

3 كيسان فرينة
ربع كاس زيت
1 فاني
نصف كيس خميرة القاطو
نصف ملعقة كبيرة خميرة الخبز
نصف ملعقة صغيرة او أقل ملح على حسب الكأس
كأس حليب دافئ
مغرف كبيرة سكر

التحضير :

في الخلاط الكهربائي نضع
نصف كأس الحيب الدافئ مع خميرة الخبز و السكر و نحرك دورة و نتركه يخمر في داخل الخلاط 10 د ثم نضيف نصف كأس فرينة و الملح و الفاني و نتركها تخمر 10 د
نضيف الزيت الملح و الحليب المتبقي نخلط قليلا ثم نضيف الفرينة
نشغل الخلاط و نزيد الفرينة كل مرة غير بالشوية حتى تتجمع العجينة في الخلاط و تصبح كتلة واحدة نحبس الخلاط لازم تكون جارية شوية فقط ماشي مثل العادة لأنو هاد السفنج بين الفطاير و السفنج
ندهن صحن بالزيت مليح و ندهن يدينا و ننزعها من الخلاط و نضعها في الصحن ثم ندهن الوجه بالزيت و نغطيها بكيس بلاستيكي

لما تخمر المرة الأولى نجمع الحواشي للوسط و نزيد نغطيها و نخليها تخمر للمرة الثانية
لما تخمر المرة الثانية نرش سطح الطاولة بالفرينة
ثم ندهن يدينا بشوية زيت و نحطها فوق الفرينة و نزيد نرش عليها القليل من فوق و نحلها رقيقة تقريبا نصف سم
نقطعها بحاجة دائرية و نزيد ببوشون صغير او قطاعة صغيرة نقطعها في الوسط
و نخليها تخمر نصف ساعة لساعة على حسب المكان
علاه نقطعوها بالقطاعة
عموما السفنج يتعمل جاري و لازم تدهني يديك مليح بالزيت و تاخذي كرة و تزيدي تثقبي فالوسط بصبعك الشكل ما يجيش باهي
امالا انا استعملت الطريقة هاذي جاتني اسهل و ما تديش الوقت على مراحل ندير مرحلة و نروح نخدم حاجة اخرى يم نجي نكمل
المهم لما نخلص التقطيع نخليها تخمر حتى تتضاعف و نسخن الزيت و من بعد نقص النار
لازم الزيت يكون بزاف يعني منحطوش فالقاع
انا عندي بيبطة " اناء " صغير عاملاتو سبيسيال لقلي المقرقشات و الدونات و غيرها احسن من الباطة نتاع الطماطم
انا كمية 3 كيسان تقريبا استعملت اقل من نصف كغ فرينة الكاس نتاعي صغير شوية
هاي الكمية لي عملتلي ربي يبارك


هادو عملتهم أشكال دب و سمكة و شجرة و قلب لبناتي




هادو الطوابع لي استعملتهم




هادو خليتهم هكذاك بدون سكر و لا اي حاجة


إضغط هنا لرؤية الصورة بحجمها الطبيعي.


هاذو عملتهم بصوص الشوكولا لزوجي







و الله خفيييييييييييييييييييييييييف كي لقطن و الزيت و الله تقريبا كيما حطيتو قعد ماشي كيما النوع التقليدي يشرب الزيت بزاف


شوفو قداه هشوش و فارغ من داخل و لعجينة نتاعو معينة

إضغط هنا لرؤية الصورة بحجمها الطبيعي.



و هنا زوووووووووووووووم أقرب

إضغط هنا لرؤية الصورة بحجمها الطبيعي.




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©