السلام عليكم
5بيض
قرصة ملح
مغرف صغيرة فاني
200غ سكر عادي
نصف كاس زيت
نصف كاس زبدة ذايبة وباردة
1 ياؤورت طبيعي من الافضل او تعوضيه باي نوع
انا عوضتو بفنجان يوقو
2 باكي خمارة
450 فرينة
اذا كان البيض كبير الحجم زيدي 3 مغارف فرينة

اترككم مع الصور



































عذرا كثرت الصورلكني استمتعت بها وكما استمتعت ببنة هذ الكاك
عندي جملة من الملاحظات

 1في حالة البيض كبير زيدي 3 مغارف فرينة مهم
2هذالكاك تقدري تخبيه في الكونجلاتور لمدة شهر كامل كي يجو الضياف ديكونجليه وزينيه بشرط تحتفظي به بدون تقطيع في علبة محكمة الغلق
ومليح للعاملة تديرو في وقت الفراغ وتخبيه
3بالنسبة للمبتدئات البنات الي يتعلمو ساهل وما يديش الوقت ومشي شرط تخلطيه بالروبو او باتور ممكن بالفرشيطة او فويي
كي يحبو يخدموه في القايلة بلاما تحس الماما هههههههههههه
ويفاجؤوها بكاك ناجح تفرح به
4بالنسبة للنكهات
انت حرة
وش تحبي اما بيبات شوكولا في العجين تظيفيهم للخليط بعد الفرينة
او قطع فراز راها متوفرة بكثرة او خوخ او مشماش او مكسرات او زبيب او فروي كونفي او قشور ليمون او قشور برتقال او بدون اي شيء
5التزيين من فوق دهنت بلاجولي و لوز ايفيلي وزينت بسوغيز و بعدما طاب
والثاني قبل ما يطيب ذرذرت عليه لوز ايفيلي ودهنتو بلاجولي او عسل او معجون الي عندك
انت حرة في التزيين ممكن شوكولا اوسكر رطب
6المول تدهنيه بزبدة وترشي فرينة
7اذا كان المول صغير طيبي نصف الخليط اي طيبيه على مرتين
واذا كبير طيبيه مرة وحدة اي كل الخليط
 حظ موفق للجميع وراه ناجح ولذيذ جدا




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©