وصفة (جزائرية) les poufs

4 عضمات (اذا كانو صغار حطي 5) اضربيهم بالخلاط زائد صحفة سكر (اذا استعملت كاس عادي عطي ثلاث ارباع) و اضربي بالخلاط زائد نفس الكيل زيت و نفس الكيل عسل مع الخلط دائما زائد 3ملاعق كبار كاكاوو و 2 خميرة الحلوى مع الخلط المستمر زائد 180 غ فرينة مع الخلط الجيد
صينية الفرن تكون مناسبة لكمية الخليط لي عملتيه مدهونة مليح بالزبدة صبي فوقها الخليط من ارتفاع عالي و دخليها الفرن ساخن مسبقا و على نار هادئة و مفتحيش علاها قبل الربع ساعة الاولى باه متهبطش
تخرج من الفرن طالعة
كي يطيب اعملاها ب décopoire رقم 4 او 5 مدور و الباقي أي الزوائد ارحيهم باللاغاب
القلاساج :100غ شوكولا سوداء ذائبة في حمام مائي مع شوية زبدة زائد 4 ملاعق كبار عسل بعد ما تذوب الشوكولا و الزبدة دائما فوق النار
ثم احكمي بالكعبة تاع القاطو و صبي فوقها القلاصاج كاملة من كل النواحي ثم مرمديه في البواقي تاع القاطو لي رحيتيهم و حطيهم في كيسات على قدهم
للاسف منعرفش كيفاه يتحشى بالدانات لانو كاين لي يحشيوهم لكن هكا ذوقو رائع
بصحتكم




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©