السلام عليكم و رحمة الله تعالى و بركاته انيقاتي
لاباس عليكم نتمنى من الله تكونو فاحسن الاحوال يا ربي امين
اليوم درت ليكم هاد اليك الذيذ و راااااائع وطرق تزيينو ساهلة الا تبعتو الطريقة
اذن على بركة الله غادي نحتاجو ل
كيك جنواز
125 غ لاباط دو نوازيت
140 غ شكلاط
180 غ زبدة الكاوكاو
250 مل كريم فريش مطرب
100 غ بايتي فيوتين
بافروا د الشكلاط
1/2 ليتر حليب
140 غ شكلاط
3 اصفر البيض
1/2 ليتر كريم فريش
7 غ جيلاتين فشوية دالما بارد
للتزيين
ناباج
شكلاط ابيض و اسود
للاشارة بالنسبة للشكلاط ديال الزواق ستعملت فقط بديل الشوكولا لي غادي تلقاوه عند المحلات الخاصة بالحلويات
لا صوص
200 غ فواكه حمراء و درتهم يغليو و طحنتهم و زدت عليهم 2 م ك سكر
اذن على بركة الله نطرب البيض مع السكر
حتى يتضاعف الحجم 3 دالمرات
ثم كنضيف الطحين المغربل بشوية بشوية
ثم كنديرها فامقلة و ندخلها للفرن تقريبا 12 دقيقة
نخليها تبرد ثمة بديت كنحضر الفيوتين ديالي
اولا باش نحضر لاباط دو نوازيت ديالي كناخد 100 غ نوازيت او بندق
و نحمرو مزيان فالفران ثم كنخليه حتى يبرد و نقشرو ونضيف عليه 100 غ سكر كلاصي و نخليهم كيتطحنو
حتى كيطلق النوازيت اليت ديالو و كيولي مسحوق بحال لي فالصورة
اذن كندوبو الشكلاط
و نضيفوعليه زبدة الكاوكاو و نخلطومزيان ونضيفو لاباط دو نوازيت
و عاد نضيفو البايتي فيوتين ديالنا
و نخلطو مزيان و نخليوها تبرد
و نضيفو الكريم فريش ديالنا و نخلطو مزيان
نحطو قطعة من الجنواز ونسقيوها
ثم نديرو الخليط ديالنا و نسرحوه مزيان و ندخلوه يبرد
تم نمرو الان لتحضير البافروا بالشكلاط
نطربو اصفر البيض مع للسكر واحد الشوية حتى يتخلط
ثم نضيفوالحليب و نديرو الكل فكاسرونة يغلي و حنا كنخلطو يبقا على نار من التعليم المتوسطة تقريبا 10 دقايق و نزولوها من العافية
و نديرو الشكلاط و نصفيو االخليط دالبيض و احليب ونخلطو مزيان و نضيفو الجيلاتين
ثم نخليوها على جنب تبرد
نطربوالكريم فريش ديالنا
و نضيفوه على البافروا منين تبرد
كندير الخليط فوق من الخليط ديال البايتي فيوتين
و نقادوها مزيان و ندخلوها تبرد ليلة كاملة
رد مع اقتباس
