السلام عليكم و رحمة الله تعالى و بركاته
![](http://www.dzbatna.com/images/smilies/mh31.gif)
هدا الطبق نحبوه بزاف فالدار امالا قلت نحطو بلاك يعجبكم كيما يعجبنا
اولا نسكرفجو حبة بصل من التعليم المتوسطة
![](http://im32.gulfup.com/rOJph.jpg)
و نديروها تتحمس في شوية زيت مع المعدنوس
![](http://im39.gulfup.com/6r1xZ.jpg)
مور ما تتحمس نزيدو اللحم ونصف ملعقة صغيرة فلفل اسود وملعقة صغيرة ملح
و نخلوه يتحمس و من بعد نزيدولو الماء و حمص نص طياب و نخلوه يطيب
![](http://im34.gulfup.com/Th4xA.jpg)
و في هذه الاثناء نطيبو الباتنجال
![](http://im31.gulfup.com/R7ZXn.jpg)
نغسلوه و انقشروه و انقطعوه شرائح طولية
ندهن السنيوة بشوية زيت و نستف الباتنجال و نزيد نرش شوية زيت من الفوق بالبانسو
![](http://im34.gulfup.com/978JS.jpg)
و ندخلوه في الفور على رقم 8 و السنيوة نديروها من تحت وكي يحمار من تحت نقلبوه و نرجعوه و كي يحمار نخرجوه و نستفوه فالمول
![](http://im39.gulfup.com/7JoUC.jpg)
كي نخدمو كامل الباتنجال نقلو 2 حبات طوماطيش بعد ما نكونو قطعناهم شرائح و نستفوهم فوق الباتنجال
( اسفة نسيت ما صورتهاش )
و من بعد نفرغو فوق الباتنجال اللحم و لاصوص و ندخلوه للفور وحد 15 دقيقة يحمار شوية و نطفو عليه
و كي نخرجوه نرشو عليه المعدنوس مقطع مممممممممممممممممم (نموت على المعدنوس ههه
![](http://www.dzbatna.com/images/smilies/rolleyes.gif)
)
حنا ما كانش عندنا المعدنوس الله غالب
![](http://im36.gulfup.com/PJCcW.jpg)
و بالصحة و الراحة
ان شاء الله تسيوه و يعجبكم
اللهم صل و سلم على نبينا محمد