الوصفة (جزائرية) العاشرة
صباح الفل عليكم أخواتي

كما عودتكم ، كل ما نلقى حاجة جديدة ، نجربها و لما تنجح نعلمهالكم باش يكونو دائما عضوات المنتدى نتاعنا متميزات
كنت منذ شهور شفت صلصة الموزاريلا المخادعة في منتدى مغاربي و تكاسلت نجربها ، البارح درت بيتزا و تفكرتها ، رجعت المطبخ جزائري حقل تجارب و جربت 2 حاجات ، الأولى هذه الصلصة و الثانية نخليهالكم مفاجئة ، راهي مازالت في المختبر ما طابتش ههههه
ساعات بزاف يكون ماعنديش جبن مبشور و نحب ندير بيتزا و صراحة الغرييار راهو غالي خاصة لما تكون الأسرة كبيرة واش يكفي فيها غرييار ههههه، لذا لقيت أن هذي الصلصة هي الحل ، جربتها و صلحت وطبعا كما العادة عدلت في الوصفة (جزائرية) .
هذا كان الموجز والآن التفاصيل :

المقادير :
* 1 حبة بصل مقطعة رقيقة و مقلية ( حمريها شوية ماشي تذبليها برك + ماديريش بصل أخضر ، ديري بصل عادي + ما تحطيش فيها الملح )
* من 1-2 بيض ( أنا حطيت 2 لأن الكمية نتاعي كبيرة ، درت 2 قرصات بيتزا كبار )
* 6 قطع جبن ( قد ما تحطي جبن جي بنينة و مخادعة هههه )
* فلفل أسود
* ملعقة كبيرة زيت زيتون ( ما تخافيش طعمه لن يظهر فيما بعد )
* 1-2 فنجان صغير حليب ( حسب الكمية )

الطريقة :
حطي كل المكونات في الروبو و ارحيهم ملييييح حتى تتحصلي على صلصة ملساء ، مثل هاذي :



بعد ما تحطي صلصة الطماطم و تزيني البيتزا نتاعك صبيها فوق البيتزا ودخليها إل الفرن و شوفي النتيجة :

أسمحولي الإضاءة في المطبخ جزائري قوية ، الصورة جات ضاوية بزاف .

الخداع ليس فقط في الشكل و لكن أيضا في الطعم بنيينة مممم ،

* ملاحظات :
* ما نسيتش الملح ، راهي جي مالحة من الجبن ، إذا حطيتو جبن كمية قليلة ذوقو وإذا تحتاج زيدو رشة ملح
* إذا عندك شوووية غرييار مبشور فاضل ديريه فيها ، ماشي مشكل

جربوها و ماتنساوش تدعيولي يرزقني ربي الزوج والذرية الصالحة





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©