مرحبا اخواتي جبتلكم اليوم طريقه اعداد طبق تقليدي وهو الزفيطي الي عندو خبايا واسرار اليوم نوريهالكم ولازم شرط اساسي المهراس لنجاح الطبق
نحتاج الى الفلفل الاخضر والاحمر والثوم والطماطم والكسبر الاخضر كلما تكثري تجي مذاقو رائع

نشويهم على الطاجين الفلفل الاخضر والثوم والطماطم فقط

ونطيب الفلفل الاحمر في الماء في طاوه على النار حتى يذبل

الان نحضر الكسره عباره على سميد فرينه وملح فقط وادلكيها مثل المطلوع باش يجي مليح الزفيطي والا يجيك يابس

وفتيهاقد ماتقدري كل متصغري من حجم الفتات يجيك مليح

الان لازم تدرسي حركاتك لازم يبقى كلش ساخن الفتات الفلفل الطماطم
اولا تدقي الثوم والملح مع بعض مليح

تضيفي عليهم الفلفل الاحمر دقيه مليح بعدها الفلفل الاخضر كذلك وفي الاخير الطماطم الكل دقي مليح مليح حتى ينسجمو مع بعض بعدها فرغي علي هادى الصوص الفتات بالشويه ودقي مليح حتى تكملي كل الفتات هنا يجيك يابس اكيد لازملو حاجه تطريه
احكمي حيه كبيره بصلهقطعيها والطماطم 1م كبيره ملح وشويه زيت والماء كاس تقريبا

وخلى حتى تطيب البصله وتذبل والصوص تعقد

وفرغي على الفتات وانتي تدقي متحبسيش ومننساش الكسبر الاخضر يعطي مذاق رهيب للزفيطي
في هذه المرحله سخني الماء لدرجه الغليان وفرغي بالشويه عل ى الفتات ودقي مليح حتى تحسيه يترخف ومايكونش يابس هنا عينك ميزانك ضيفي بالشويه

وهاذه النتيجه النهائيه حبيت نبه لشيء عندو طرق عديده وكلها جربتها لكن هاذىاحسن طريقه ليه جربو وردولي لخبر
نهدديه لكل من طلبه ونقولكم بصحتكم مسبقا وعدت ووفيت



في الاخير كامل نضيفولو من فوق شويه زيت فقط باش تنقصلو الحرورة نتاعو ولازم يتقدم ساخن واكيد مع اللبن او الحليب باش يطفئ الحراره نتاعو في المعده هههه

في الاخير نتمنى منكم تدعولي بحفظ اولادى وزوجي مع السلامه





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©