مرحبا أخواتي جيتكم اليوم بأكلة تقليدية و اللي هيا البطوط أو (بو مهراس) كاين اللي يخلطو في قصعة و كاين اللي يديروه في المهراس نتاع الحطب
المقادير و التحضير:
نبداو بالكسرة:سميد+ملح بليها بالماء حتى تعود عجينة طرية شوي ديريها لوزات كبار شوي و قرصيها رق من الكسرة اليابسة(الرخساس) و طيبيها في المرى(الطاوة) و حكيها بين يديك حتى تعود طراف صغار و هاذي الكسرة اسمها المرخوس في بعض المناطق و في مناطق أخرى يسموها المحكوك و حطيها في قصعة و ضيفيلها الخليط المتكون من:طماطم حب مرحية(3أو4)+طماطم مصبرة(ملعقة كبيرة أو 2)+ربطة دبشة مقطعة+راس ثوم مهرس في الملح+فلفل حار حسب الرغبة(لازم يجي حااااااار)+كسبر حب مرحي مقدار ملعقة كبيرة
أخلطي الكل بماء سخون جدا حتي تعود مسقية مليح في الأخير ضيفيلها اقارص اللي يزيدلها بنة متميزة
و بالنسبة للمهراس حطي الكسرة و الخليط فيه و هرسيهم مليح




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©