السلام عليكم ورحمة الله وبركاته

المقادير

1كغ فرينة
500غ ماء
140 غ بودرة الحليب
30غ خميرة
20غ ملح
5 غ محسن
50غ زبدة
حبة بيض
30غ سكر

نخلط الخميرة مع شوية سكر وفرينة وشوية ماء دافيء ونخليها تطلع كي تطلع نديرها في العجان ونضيف باقي المكونات ونديرو الماء بشوية علجال كل فرينة وكفاه كاينة لي تشرب وكاين لي لالا
نعجنوها حتى تولي ملساء وماتلصقش في جدران العجان منبعد نخلوها تخمر من 20 ل 30 دقيقة هكاك
ناخدو كرات تع 75غ نخلوهم يرتاحو 10 دقائق ومنبعد نستفوهم بلا ما نزيروهم في مول تع pain de mie ولا نقدرو نديرو شكل خبزة ونحطوها ديراكت في المول كما موضح في الصورة كينكملو نديرو لادورور بيضة نخبطوها مع قرصة ملح ونخلوهم يخمرو سعة هكاك المهم حتى يطلعو مليح ونطيبوهم في فرن مسخن درجة 200
le pain anglais يشبه pain de mie مي بنين عليه علجال فيه بزاف بودرة الحليب
اسفة ادا ما شرح مفصلتش مليح ماشي موالفة ندير مواضيع مقترحة و رسمية

<legend>الصور المرفقة</legend>
SAM_1969.jpg&rlm; (11.0 كيلوبايت, المشاهدات 102)
SAM_1970.jpg&rlm; (10.6 كيلوبايت, المشاهدات 100)
SAM_1982.jpg&rlm; (11.1 كيلوبايت, المشاهدات 103)



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©