السلام عليكم اخواتي
......اليوم على بركة الله نحطلكم وصفة (جزائرية) لذيذة باسلق نتمنى يعجبكم خاصة ادا كان في عايلتك لي ما يحبوش ..بهذه الطريقة رايحين يوكلوه اكييييييييد
بسم الله نبدا.....
بانسبة للمقادير تكون على حساب العايلة..
.انا استعملت ربطة ونص سلق +صلصة بيشامال+ حبة بصل صغيرة +1قطعة جبن شاف+ شوية فطر وهو اختياري +طراف جاج مفتت+بيضة او اكثر
...نغسل السلق نقطعوه ونحطوه يذبل مع ملح فلفل شوية ثوم وزبدة = حتى يذبل وينشف ماه
نقطعو البصلة شرائح رقيقة ونذبلوها في شوية زبدة
نحضر البيشامال مع نصف كمية الجبن والباقي نقطعوه مربعات
نفتت الجاج سواء طايب او مقلي
......والمرحلة النهائية نخلط كل هاذ الحوايج مع بعض= سلق + جاج +بيشامال + بصلة +باقي الجبن+ الفطر + البيضة= نحطهم في الفور حتى يتماسك ويحمار
.......................الف صحة وعاقية ..............ان شاء الله تجربوه.............واي استفسار انا في الخدمة..........
..........................سلاااااااااااااااممممم

<legend>الصور المرفقة</legend>
DSC00772.jpg&rlm; (10.7 كيلوبايت, المشاهدات 377)
DSC00773.jpg&rlm; (10.9 كيلوبايت, المشاهدات 359)



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©