اقدم لكن هذه الوصفة (جزائرية) من المطبخ جزائري الجزائري ان شاء الله تعجبكم
اعذروني ساستعمل اللهجة العامية
نبداو ٠٠٠٠بسم الله
تحضري افخاذ دجاج بعدما تنقيهم مليح ( العدد كيما تحبي )
تنحيلهم العظم بحذر باش تتحصلي على قطعة واحدة
تحضري لحم مرحي ( لحم مفروم )
ناتي الى الحشو : تزيدي للحم المرحي: معدنوس٠دبشة٠ شويه بصل مفروم (حبة من التعليم المتوسطة)٠سنينات ثوم ٠بيضة
التوابل : فلفل اكحل٠راس الحانوت٠ شويه كمون و ملح
بعدما تخلطي كلشي تزيدي حبات فروماج ( اعملي حسابك على الملح لمرة لولا لانو الفروماج مالح )
تحطي شوي خليط في كل قطعة
تلمي مليح وتقفليها جيدا
وباش ما يخرجش اللحم اقفليها بالاعواد او خيطيها بالابرة والخيط كيما نخيطو العصبانة
عملية الطبخ جزائري سهلة : اما تدهنيهم بالزبدة وتحطيهم في صينية مدهونة بالزبدة في الفرن حتى يحمارو
او تعملي كيما انا : في مقلاة تحطي الزيت مع شويه زبدة وتحمريهم على نار هادئة
وتقلبيها من حين لاخر
المقلاة من الاحسن تكون بغطاء باش يطيبو مليح
وتخليهم يحمارو مليح
اذا حبيتي تزينيهم بالكفتة اللذيذة ( تعمليها بالحشو اذا بقى وتقليهم )
وتقدري تعملي صوص كيما تحبي للي ما يحبش النواشف( تسقي بيه عند الاكل )
شهية طيبة وبالصحة والهنا
انتظر رايكم
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
رد مع اقتباس
