السلام عليكم
حرت وش نطيب مع السخانة هذه وفي الأخير درت les pâtes في الكوشة...

غلي les pâtes عادي في الماء والملح 5 أو 7د وصفيه


قطعت البصل والثوم ديريهم مع شوية زيت



كي يذبال ندير لحم مرحي...



هنا راه نشف من الماء اللي يطلقو على هذيك حطيتو في جهة


نحرك مليح ونضيف حشيش ومعدنوس، فلفل أسود،راس الحانوت...



حركي زيدي 2حبات طماطم حب مرحيين، مع مغرف كبيرة طماطم مصبرة، ديري قيس نص مغرف صغيرة سكر باش تنحي لقروصية..

هنا نقصت شوية في طبسي ومبعد نوريكم وش درت بيه



درت شوية ماء وخليتو يطبخ جزائري

وهو يغلي نفرغو على les pâtes ونحرك



ندير كلش في بلا تاع الكوشة


هنا درت البيشاميل
مغرف زبدة مع مغرف فرينة والحليب بالتدريج،رشة جوزة الطيب،كمشة فرماج rapé




فرشت شرائح الجبن



وفرغت البيشاميل ودخلت للفرن شعلت من فوق باش يحمار







والخليط اللي نقصتو في طبسي درت بيه هذا


















©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©