السلام عليكم يا لحباب
اليوم راني جيتكم و طامعة فيكم يا الفحلات تنقضوني من الحصلة اللي راني فيها .. والله ما لقيت شكون يعاوني ولا يدبر عليا ....
السمانة اللي جاية راجلي حاب يعرض اختو هي و زوجها و زيد والديه و زوج خاوتو ... آآآآآ راني قريب نموت بالخلعة ههههههه .... هاذي اول مرة يجيوني يعني اول عرضة رسمية سيرتو لأختو عندها شهر زواج .... مالا نكمللكم فيلم الرعب اللي راني مدايراتو هاذ الايام لروحي ههههههه
ما عرفتش واش نديرلهم ماكلة هييييه علا بيها جبتكم .
انا شوفو واش زعمة خممت بعد جهد عمييببيبببق هههههه

السلاطة نتاع فلة اللي شاركت بيها في المسابقة بصح نديرها في مول واحد
المقبلات جزائرية قلت ندير مملحات إما بالعجينة المورقة ولا عجين مالفة نخدم بيها تجي مليحةو لا بوراك ...كاين تانيلي كيش... ولا واش رايكم في المقبلات جزائرية ...
الطبق الرئيسي تم اللي لقيتوني حاصلة ما عرفتش واش ندرلهم مع العلم ان' شيخي ما يحبش العجين بزاف

الطبق الثاني بلاك ندير افخاض الدجاج المحشية نتاع ام رامي للطبخ جزائري ..

التحلية ندير موس الليمون و لا تيراميسو نتاع فلة و نزيد الحلوي قاطو اسبانيول نتع فلة ديما ههههه



زيدو دبرو عليا .. راني نقبل كل الاقتراحات ...و حتى لوكان تقترحو عليا menu من عندكم نكون ممتنة ليكم ... والله لوكان ماهي الثقة اللي مدايرتها فيكم ما نجي نشاوركم


و شكرااااااا مقدما ... علابالي كترت عليكم بالهدرة اسمحولي




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©