السلام عليكم يا الغاليات وعلخاطرش غاليات جبتلكم حلوى رائعة وساهلة ماهلة ان شاء الله تعجبكم برك
مقادير العجينة :
4 صفار بيض 200 غ سكر خشن 450 غ زبدة 1 لفاني 1 خمارة ليمونة مبشورة وفرينة على حسب تماسك العجينة ونبسطها في صينية ونذهب لتحضير المورانغ
تحضير المورانغ :
ضربي 4 بياض البيض حتى يولي كي الثلج وزيديله شوي سكر قلاصي وقرصة ملح ولفاني.
نروحوا للعجينة لي بسطناها نثقبوها بالفرشيطة ونطليوها بالكونفتير نتاع المشماش أحسن ونزيدوا فوقها لامورانغ لي حضرناها وندخلوها للفرن طيب على نار هادئة ومبعد كي طيب خليها تنشف ليلة كاملة وفي الصباح زينيها بخطوط الشكلاطة ...وقسميها وقدميها في لكسات
وبصحتكم




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©