السلام عليكم ورحمة الله وبركاته

الموضوع باختصار عن شرح كيفية عمل اعدادات الباك اب buckup التلقائي على السيرفر SERVER [ داخلى - خارجي ] .

الشرح طريقة مصور بالصور وموضح عليها كافة الاعدادات سواء الاعدادات التي ستقوم بها من خلال الشل SSH ، أو من خلال لوحة تحكم السيرفر SERVER WHM ، وبخصوص صور الاعدادات من خلال WHM يوجد صورتين للاعدادات الرئيسية ، الصورة الاولى خاصة بالاعدادات فى WHM الاصدار 11.24 ، والصورة الاخرى خاصة بالاعدادات فى الاصدار الجديد 11.25 ، كما يوجد صورة اخرى لتحديد اخذ باك اب buckup لمواقع معينة على السيرفر SERVER دون كل المواقع [ اذا اردت ذلك ] .

- اولا الاعدادات التي ستقوم بها من خلال الشل ، وهي انشاء مجلدات الباك الداخلى .

سجل الدخول لسيرفر SERVERك من خلال الشل ، ثم قم بانشاء المجلدات من خلال الاوامر التالية :

ملحوظة : سنقوم بانشاء المجلدات فى المسار الرئيسي / ، وسيكون المثال على اسم مجلد الباك هو backup ، اذا كنت تريد تغيير اسم المجلد ، قم بتغييره كما تشاء ولكن تذكر انك لو غيرته هنا وأنشأته بإسم تاني ، هتضع نفس الاسم فى اعدادات الباك اب buckup فى whm فى الخانة المطلوبة لمسار الباك اب buckup ، المهم ان المثال بتاعنا هنا اسمه backup .

طبعا هو اثناء عملية الباك اب buckup التلقائي بيقوم بانشاء المجلدات داخل المجلد الرئيسي للباك اب buckup (backup) تلقائياً ، ولكن برده احنا هننشأ المجلدات زيادة فى الاطمئنان ، وكمان مش هتضر فى حاجه ، لانه اساساً لو تابعت اللوج الخاص بعملية الباك اب buckup اللى بيرسلهولك السيرفر SERVER بعد انتهاء الباك اب buckup هتلاقي انه فى كل عملية للباك بيقوم بعمل خطوات معينه فى موضوع المجلدات دا ، أولا بيدخل على مجلد الباك اب buckup الرئيسي اللى انت حطيت له المسار بتاعه :

رمز Code:
/backup

، بعد كدا بينشأ مجلد الباك الفرعي (cpbackup) الموجود داخل المجلد الرئيسي (backup) ، طبعاً بيكون المجلد دا (cpbackup) موجود بالفعل :

رمز Code:
file already exists
هو وجد المجلد ، بيدخل المجلد تلقائي

رمز Code:
cd cpbackup

ولو العملية دي خاصة بالباك اب buckup اليومي ، طبعاً بينشأ جواه مجلد الباك اليومي (daily) ، طبعاُ برده بيكون المجلد موجود وبيظهر نفس الرسالة ، بيدخل بعدها على المجلد وبيبدأ بحفظ الباك اب buckup فيه .

يعني موضوع انشاء المجلدات مش بيضر فى حاجه ولا هو غلط .

هتنفذ الاوامر التالية لانشاء المجلدات ، كل امر موجود فى سطر وكل سطر من دول هتضعه فى الشل وبعدين تضغط انتر من الكيبورد لتنفيذه :

رمز Code:
cd / mkdir backup cd backup mkdir cpbackup cd cpbackup mkdir daily mkdir weekly mkdir monthly
بكدا انشأنا المجلدات بتاعتنا من الشل ، ودي صورة توضح أيضاً :



------------------------------------

- انتهينا بكدا من الشل ، هندخل نعمل الاعدادات بتاعتنا فى WHM

بعد تسجيل دخول للوحة تحكم سيرفر SERVERك ، هتدخل على قائمة configure backup علشان نعمل الاعدادات الخاصة بالباك اب buckup التلقائي للسيرفر SERVER :

رمز Code:
Main >> Backup >> Configure Backup





أو يمكنك الدخول اليها مباشرة من خلال الرابط التالي :

http://ip:2086/scripts/backupset


استبدل ip بـ أي بي سيرفر SERVERك .

يجب التعديل على الاعدادات الموجودة امامك .

اذا كنت تستخدم اصدار السي بانل CPANEL (cPanel 11.24) ، فالاعدادات والخانات المطلوب التعديل فيها ستكون كما بالصورة التالية :



واذا كنت بستخدم cPanel 11.25 ، فالاعدادات والخانات المطلوب التعديل فيها ستكون كما بالصورة التالية :




مفيش بينهم فرق فى حاجه غير ان فى السي بانل CPANEL 11.25 ، فيه حاجة اضافية وهي Compress Account Backups واللى هي ضغط باك اب buckup الموقع

نيجي نتكلم عن التعديلات اللى هنعملها كما موضح بالصورة

يجب عليك عمل الاعدادات كما هي موضحة امامك بالصور السابقة ، ودلوقتي هنفرق بين اعدادات الباك اب buckup الداخلى والخارجي .

أمامك فى الصور من اول كلمة

اقتباس
Backup Access Logs

لحد فوق ، حتى كلمة Enabled الموجودة فى اول الاعدادات ، مش هتغير اي حاجه فيها سواء كان الباك اب buckup داخلى او خارجي ، اللى هنعدل فيه ما بعد Backup Access Logs

نتكلم الاول عن الباك اب buckup الداخلى

- نيجي أمام Backup Type عندنا اختيارين :

رمز Code:
Standard Remote FTP (Accounts Only)

هتاخد الباك اب buckup التلقائي داخلى على السيرفر SERVER ، يبقى هتختار Standard .

- من بعد Bachup type عندنا خمس مربعات ، وهم :

رمز Code:
Remote FTP Host (Remote FTP Backup Only) FTP Backup User (Remote FTP Backup Only) FTP Backup Password (Remote FTP Backup Only) FTP Backup Directory FTP Backup Passive Mode

مش هتعدل فيهم ولا هتكتب فيهم اي حاجه ، هتسيبهم فاضيين .

- بعد كدا عندنا Backup Destination وهنا طالب منك المكان أو مسار المجلد اللى السيرفر SERVER هيحفظ فيه الباك اب buckup الداخلى ، وهنا طبعا هتكتب له مسار المجلد اللى انت أنشأته من الشل اللى هو مجلد backup ومتنساش قبل كلمة backup هتكتب علامة / ، يعني هتكتب له المسار بالشكل دا :

رمز Code:
/backup

- بعد كدا عندنا زر ضغط مكتوب عليه select ، ودا وظيفته انك ممكن تختار مواقع معينة بتاخد لها باك اب buckup ، يعني انت مثلا لو عندك على السيرفر SERVER 20 موقع ، فيه منهم موقعين مساحتهم كبيرة جداً ، وانت مش عايز يتاخد لهم باك مع الباك اب buckup التلقائي ، انت عايز تاخد باك اب buckup لباقى المواقع بس اللى هما 18 موقع ، والموقعين دول هتاخد لهم انت باك بالطريقة اليدوية اللى اتكلمنا عليها قبل كدا ، ولو عايز الموضوع الخاص بيها ابحث فى القسم هنا فى المنتدي عن :

رمز Code:
موضوع عن الطرق الصحيحة لاخذ باك اب buckup ، ومشاكل استرجاع الباك اب buckup

المهم نكمل كلامنا عن زر Select واللى عرفنا وظيفته ايه واختيار مواقع معينة للباك اب buckup .

اضغط على select ، هتفتح لك صفحة فيها المواقع اللى عندك على السيرفر SERVER كلها ، والصفحة اللى فتحت دي فيها 3 اعمدة و هما :

رمز Code:
Backup - User - Domain
> Backup : بيكون تحتها علامة مربع اختيار (وضع علامة صح أو ازالتها) .
> User : بيكون تحتها يوزرات المواقع اللى عندك على السيرفر SERVER .



> Domain : بيكون تحتها دومينات المواقع دي .

طيب على سبيل المثال : احنا فيه عندنا موقعين مساحتهم كبيرة ومش عايزين نخليهم من ضمن المواقع اللى هيتاخد لها الباك اب buckup التلقائي ، الاول اسمه site2.com ودا اليوزر بتاعه اسمه user2 ، والموقع التاني اسمه site5.com واليوزر بتاعه اسمه site5 ، بسيطة جداً من العمود اللى هو backup ، هنبحث عن الموقعين دول بين المواقع اللى أمامنا ونشيل علامة الصح من أمام الموقعين دول ، وفى اخر الصفحة هتلاقي Save اضغط عليها علشان تسيف الكلام دا ، والصورة دي توضح اكتر :




وبكدا السيرفر SERVER هياخد باك اب buckup تلقائي لكل المواقع اللى عليه ماعدا الموقعين site2.com و site5.com ، بس الكلام دا بس ما نحفظ الاعدادات اللى احنا عملناها على Configure Backup فى الصورة الاولي ، بعد ما تختار المواقع وضغطت save هتستني لحد ما يسيف واقفل الصفحة دي ونرجع للصفحة اللى كنا فيها قبل ما ضغطنا على select واللى هي الاعدادات اللى كنا بنعملها (Configure backup) ، كدا احنا عملنا كل حاجه وخلصنا اعداداتنا ، هننزل اخر الصفحة خالص ونضغط على Save .

وكدا احنا انتهينا من اعدادات الباك اب buckup التلقائي الداخلى على السيرفر SERVER .

-------------------------------------------------

الباك اب buckup التلقائي الخارجي .

نفس اللى اتكلمنا فيه فوق لكن الاختلاف فى الاربع حاجات دول:

رمز Code:
Backup Type
ودي زي ما قلنا فيها اختيارين :

رمز Code:
Standard Remote FTP (Accounts Only)

والثلاث حاجات الباقية :

رمز Code:
Remote FTP Host (Remote FTP Backup Only) FTP Backup User (Remote FTP Backup Only) FTP Backup Password (Remote FTP Backup Only)

مربعات ادخال ، هنكتب فيها بيانات المساحة الخارجية الخاصة بالباك اب buckup .

- Backup Type : هناخد طبعا باك اب buckup خارجي يبقى هنختار

رمز Code:
Remote FTP (Accounts Only)
- Remote FTP Host : المربع دا هنكتب فيه الاي بي الخاص بمساحة البك اب الخارجي ، والاي بي دا بيعطيهولك الشركة اللى انت حجزت منها مساحة الباك اب buckup الخارجي .

- FTP Backup User : بنكتب فى المربع دا اليوزر اللى اخدناه من الشركة (شركة الباك اب buckup)

- FTP Backup Password : بنكتب فيه الباسورد ، برده اللى اخدته من الشركة .

يعني انت بتحجز مساحة باك اب buckup خارجية من شركة باك اب buckup (والافضل انها تكون شركة متخصصة فى المجال دا) ، بيعطوك : اي بي - ويوزر - وباسورد .


بس كدا ومفيش اي تغييرات تانية بنعملها وبرده موضوع select دا اللى هو اختيار مواقع معينة يتاخد لها باك اب buckup هو نفس اللى فى الخطوة الاولى الخاصة بالباك اب buckup الداخلى ، وبعد ما تخلص الكلام دا ، اخر الصفحة واضغط على Save .

تحياتي للجميع ، وأي استفسار حاضرين .

الخليج هوست لخدمات الويب المتطورة .

سلام عليكم .










©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©