بسم الله الرحمن الرحيم




يوجد 99% من المواقع العربية تستحق Banned من Google AdSense


تفقدت الكثير من الموضوعات في الآونة الأخيرة وكان من اكبر ما كان يثير غضبي
هو رفض الناس لسياسات ادسنس وعدم رضاهم عن – عملية التسجيل + القبول + استمرارية الحساب -

لكن بالله عليكم لو وقفنا وقفة ولو بسيطة ننظر من خلالها الى ما هو كائن بين ايدينا لوجدنا اننا نستحق وعن جدارة – باند – كبير جدا من ادسنس يشمل 99% من المواقع العربية على الأقل

كراك وسيريال :
تخيل انك عملت هاك product بسيط او ستايل style منسوخ وعدلت علية كمان وحاطط حقوقك على العمل وجة غيرك واخدة ستقوم الدنيا ولن تقعد ابدا
وتخيل انك عامل موضوع عادي جدا في موقعك بس مكتوب بايدك مثلا يعني في وجهة نظرك انة حصري – وجة حد نقلة منك – احلف لك بإية انك لو تطول تحاكمة محاكمة عسكرية هتعمل كده




فما بالك ببرنامج شركة كاملة بتنتجة – ايا كانت جنسيتهم او ديانتهم – وانت بكل بساطة تعرضة وتعرض لة التفعيل
احب اقولك بكل امانة ” دي سرقة علني ” يعاقب عليها الشرع والقانون والاخلاق والآداب العامة , وادسنس بتطبيقة للسياسة دي يبقى هو صح وانت كمسلم او كرجل امين غلط
يبقى مين افضل ؟؟

مسلسلات وافلام واغاني :
يا عمي سيبك من انها مخالفة او مش مخالفة او حقوق ملكية او غيرة دول اصلا ناس ” عليهم من الله ما يستحقون ” بكل امانة
لكن والله دي حراااااااام ومش عارف الناس بتزعل لما تغلق حساباتهم ويقولك مع اني ماشي ف حالي
فين حالك ده
حالك ف نشر الاغاني والافلام والقرف ده

والله ديزاد باتنة وبكل امانة موقع محترم جدا هو ومن على شاكلتهم
مواقع محترمة بجد ونضيفة
والله حاليا لما ابحث عن شيء 90% من بحثي بيقترن بكلمة ديزاد باتنة
تحميل هاك product الرد السريع ديزاد باتنة
تحميل العاب اي فون ديزاد باتنة
اخر اخبار جوجل GOOGLE ادسنس ديزاد باتنة

وغيرها وغيرها
مع انة موقع تطوريري الا اني عارف اني مش هالاقي مليون فتحة اجبارية تهنج المتصفح وتقفلة
مش هالاقي مليون اختصار روابط واطلع من هنا ادخل هنا والاعلانات مالية الدنيا تحس انك بتغرق
مش هالاقي رابط منتهي ولو لقيت هيبقى بديل ولو مفيش بديل يبقى مغلق ومكتوب اعتذار مش مضلل
مش هالاقي الفاظ قذرة ولا تعليقات زبالة ولا صور اباحية ولا نسائية ولا فية اي ضرر من اي ناحية كانت

على فكرة انا كنت من اكثر الناس كرها لديزاد باتنة ومازال في قلبي بعض الشيء منة لكن مش بسبب ديزاد باتنة نفسة او سياساتة
بل بعض المشرفين ” سامحوني في اللفظ ” المهملين فية
فممكن تلاقي موضوعات كتير تترمي ومفيش اي اجابة
لكن ناخد ف العلم بردة ان زي مانا عامل موضوع بمشكلة في مئات غيري ومشاكل عويصة ممكن تاخد يوم نقاش

احد الاشخاص كلمتهم عن الاغاني والافلام عندة وهو مسلم وفي رمضان
قالي
” يا عم فين الحاجات الحرام دي انت بتخترع من دماغك – انا لا حاطط افلام اباحية ولا حاجة كل الافلام عادية والاغاني عادية والبرامج دي بتاع ناس كفرة وحلال سرقتهم “
بجد حسبي الله ونعم الوكيل

كراكات واغاني وافلام وفتحات اجبارية بالهبل واختصارات روابط بالكوم
عاوزين اية مخالفات تانية
مخالفات ضد ادسنس ونفسنا والدين والاخلاق

داحنا ولا نستاهل اي شيء صدقوني
يعني ادسنس يحافظ على حقوق الملكية ونحن لا
ادسنس يحافظ على الآداب العامة ونحن لا
ادسنس دائما صح ونحن لا
او للأمانة ” اغلبنا لا “…







©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©