السلام عليكم ورحمة الله
أولاً كل سنة وانتم طيبين جميعاً ومبارك عليكم عيد الفطر المبارك

اما بعد
موضوع بيهم وبيشغل ناس كتير منا سواء مع او ضد "جوجل GOOGLE باندا"
لكن اعتقد إن معظم المتضررين منه بيشوف فكرة البرنامج من جانب واحد وهو مدى تأثيره السلبي على موقعه أو مدونته أو منتداه او او او.....

ولكن لو ركز شوية وسأل نفسة كم من مرة فضل يدور ويبحث عن اشياء كثيرة وخدت منة وقت طويل بسبب الكوبي والباست أو ال Rss او النقل من خرائط أو أو

مثال بسيط حبيت اوضحة لو رجعنا من فتره اقل من شهر بالظبط وجاي ابحث عن استايل style معين أو هاك product معين
وليكن مثلا كلمة
هاك product الفتحة الاجبارية

Google

يا ريت تتفضل تدخل وتشوف المثال دا هل هو الى كنت هتلاقيه قبل كام شهر من دلوقتي؟؟
اكيد معظمنا عارف ان الاسبقية في الغالب لأي هاك product أو استايل style او منتج plugin معين بيتم طرحة في المعهد وبيتم نقله للمواقع التانية اما Rss أو كوبي وباست وغالباً يمكن دائماً بيكون بنفس الاسم وكنا ناخد وقت طويل عشان نلاقي نتيجة تانية غير الي موجوده يمكن بأول خمس صفحات مكرره منقوله كلها من موضوع واحد بديزاد باتنة؟؟




مين يا جماعة مكنش بيعاني من المشكلة دي؟
انا مش معنى ذلك اني بقول ان التطبيق ناجح بنسبة 90% حتى ,, أو اني مش متضرر من جوجل GOOGLE باندا في مواقعي او مدوانتي .. لا بالعاكس اتضريت كتير مع اني زيي زي ناس كتير تظلمت ومش كل محتوى موقعها او منتداها منقول؟ اكيد في مواضيع منقوله بس الاكتر ان في حصريات كتير ومواضيع مكتوبة ومتعوب عليها كتير وراحت بسبب جوجل GOOGLE باندا

لكن لكل برنامج في بدايتة ثغرات واكيد بتتعدل بمرور الوقت
واحنا فعلا كنا محتاجين الخطوه دي من جوجل GOOGLE واعتقد انها متأخره اوي كمان والمفروض كانت من 3 أو 4 سنين فاتو خاصة من اول ظهور روابط التغذية وخرائط ال Rss وقيام اكثر الاخوة بنشر كيفية اضافة روابط التغذية وقيام كثير من المبتدئيين في محاول زيادة عدد المواضيع وجلب الزوار من جوجل GOOGLE بدون تعب.


ببساطة شديدة لأني طولت عليكم
جوجل GOOGLE باندا = لازم تتعب عشان تحصل على زوار !!
جوجل GOOGLE باندا = نتائج متنوعة لجوجل GOOGLE بأول صفحة
جوجل GOOGLE باندا = سهوله البجث دون عناء لأن المستخدم الي داخل جوجل GOOGLE يبحث هو هدف جوجل GOOGLE الاول والاخير مش صحاب المواقع ..

حبيت اقولكم حاولوا تجربوا البحث ناو في اي حاجه بتنزل جديد في المعهد وشوفوا النتائج هتبقى عامله ازاي
وللعلم في بعض الماقولات إن الباندا تطبقت في بلاد غربية ولسة متطبقتش عندنا اومال اما تطبق بقا اية الى هيحصل؟ والنتائج هتكون ايه

اما بخصوص الحل موجود وبأدينا فعشان تحل دي
يبقى لازم أول شئ تبدأ من نفسك ثم مشرفينك .. ثم اعضاءك .. وبعد كده شوف النتائج
أول شئ هتعمل موضوع في منتداك تحذر اعضاءك من عدم النقل من اي موقع اخر ولو هينقل يبقى لازم يعدل في الموضوع ويغير محتواه وعنوانه بقدر المستطاع
ثاني شئ متابعة موقعك وعمل الخرائط اللازمه ومراسة جوجل GOOGLE بعد فتره وشوف النتائج
لو محتواك بقا حصري بنسبة 90% ومش منقول

فلووز يلا سلام
وآسف طولت عليكم
كلمتين محشورين في زوري وقولت اقولهم
وكل سنة وانتم طيبين







©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©