ط§ظˆظ„ ط¯ط±ط³ ظ…ظ† ط¯ظˆط±ط© طھط¹ظ„ظ… ظ„ط؛ظ‡ HTML ظ„ط§ط¨ظ† ط§ظ„ط§ظ‚طµط±




السلام عليكم ورحمه الله وبركاته

ارحب بكم اولا فى اول درس مفصل فى دورتنا اتمنى ان يكون اسلوبى بسيط وسهل لكم

باذن الله سنبدا اليوم اول درس مفصل فى دورتنا ولكن عليك ان تفعل شى

اولا قم بالتركيز على كلامى فقط دون ان تشتت نفسك فى مواقع اخرى مثل الفيس والشات واى مواقع

(لان دة مش وقته )

بعد كدة لازم تحضر لنفسك كوب من الشاى او القهوة لكن انا انصح بالشاى اكتر

المهم ايه رايكم انا ححاول ابسط من كلامى (مش لازم اتكلم اللغه العربيه الفصحى)

شويه كدة وشويه كدة تمام

اول حاجه لازم تعرفها انك ان شاء الله حتبقى مصمم ومبرمج محترف

على فكرة الاحتراف بيجى لما بتشتغل كتير يعنى مش لازم تتعلم الاحتراف عشان تشتغل

الاول بس اتعلم التصميم

وانا انصحك انك تتعلم تصميم الاستايل styleات الاول عشان تعرف ان الحكايه ساهله مش صعبه

وعشان تبدا تكسب اموال كتيرررررررررررررر

ساعتها دة حيكون حافز ليك لانه حيكون شغل

انا كنت عايز ابدا بالفوتوشوب بس الصراحه التكويد اسهل (بالنسبالى طبعا)

المهم احنا النهاردة قدام اول لغه من لغات التكويد والبرمجه

دة احنا بنعتبرها الام للغات كلها انت تقدر تستغنى عن امك (لا طبعا )

كذلك المبرمج مش بيقدر يستغنى عنها

انت مثلا لو حتبنى بيت يبقى مش محتاج حديد وطوب عشان تعمل اساس للبيت وعواميد

اللغه HTML هى اساس الموقع والعواميد اللى بتقوم عليه

طبعا المعلومه وصلت بس مش اوى

لكن لو اتعلمتها وطبقتها حتلاقى ان اللغه ساهله وحتعرف انها الاساس

اللغه ساهله عبارة عن اوامر على شكل اكواد

انت حتقعد ذى الباشا وحتكتب الاوامر اللى انت عايزها (طبعا انا حقولهالك بس متقولش لحد )

والمتصفح حينفذ الاوامر (من غير ما يقول كلمه )

طيب انا دلوقتى ازاى اعمل صفحه HTML

يعنى انا حكتب الاكواد فين

انا حقولك (بس استنى اخد نفسى حرام عليك )

دلوقتى انت تروح تعمل ملف جديد

مثلا حنسمى الملف دة باسم الاقصر (عشان انا بحبها اوى مش بلدى )

وحدخل جوة الملف وحعمل تكسك صغير

اضغط كليك يمين
واختار
NEW FOLDER
بعد كدة
New Text Document.txt

غيرها واكتب
الاقصر .TXT

بس نسينا حاجه مهمه (.TXT)

دلوقتى دى تكست عاديه مش صفحه هتمل

طب ازاى نعملها صفحه انا حقولك (هى مش كيمياء)




انت بس حتغير TXT

وتخليها .HTML

يعنى حيبقى الاسم
من
New Text Document.txt
الى
LUXOR.HTML
لو معرفتش خد الكلمه كوبى واعمل اعادة تسميه للتكست وانسخها


طيب لو فتحتها حيحصل ايه (حيفتحها النت)


دلوقتى فى ناس مفتحتش عنهم الصفحه وفتح على انه ملف تكست دة بيرجع لسببين

ياما انك كتبت(LUXOR.HTML.TEXT)

ودة غلط لانك لازم تمسح TEXT

بس فى واحد بيقول انه لما عمل تكست جديد مظهرش (.TEXT) (انا سمعتك )

طب ايه الحل ؟

الحل انك متزعلش نفسك

بص انت دلوقتى حتفتح (MY COMPUTER)

اضغط على (TOOLS)

(FOLDER OPTION) حتلاقيها اخر حاجه

بعد كدة

اضغط على (VIEW)

وانزل بالماوس لحد ما تلاقى علامه صح على

HIDE extension for known fike types

شيلها عشان تظهر الامتدادت

تمام كدة نكمل

دلوقتى لو فتحتها حيفتحها المتصفح

طب ليه فتحها المتصفح مفتحاش النود باد ليه؟

مش دة ملف تكست

دة لان غيرت الامتداد من ملف تكست الى ملف هتمل

وهنا الكمبيوتر علطول حوله للمتصفح لان المتصفح هو اللى بيقدر يفهم الهتمل وينفذ الاوامر

ولو كمبيوتر حوله مثلا على مشغل للفيديو يبقى تغير الكمبيوتر بتاعك (لانه خلاص راحت عليه)

دلوقتى صفحه الهتمل بتتكون من تلاثه اجزاء

اول جزء
html


الامر عندنا بنسميه وسم والوسم باللغه الانجليزيه اسمه tag

المهم
انا بكتب فى اول الصفحه

<html>
<html/>

انا بكتب كدة عشان يعرف انى حتكلم بلغه الهتمل

بعد كدة حكتب بين الوسمين اللى فوق
الوسم دة
<head>
<head/>

اللى بين الوسمين دول مش بيظهر فى الصفحه

اول حاجه بنحطها فى الوسم head
هى العنوان
بعدين بنحط معلومات عن موقعنا
بنرسل شويه من المعلومات دى لمحركات البحث ذى جوجل GOOGLE والياهو
وشويه للسيرفر SERVER(ابقى اعرف ايه هو السيرفر SERVER لانها مصيبه لو متعرفهوش )

ثالث جزء هو
<body>
<body/>

ودة اللى حيبقى عليه شغلنا كله


قبل ما ندخل فى عالم التكويد لازم تعرف حاجه

ان الاوامر عندنا اسمها اوسمه (انا قولت كدة قبل كدة على فكرة )

الوسم بيتكون عندنا من جزئين
وسم بدايه
ووسم نهايه

لو خدت بالك
<html>

<html/>

مش ملاحظ ان فى فرق بينهم

اه علامه السلاش (/)

دى الفرق بين وسم البدايه ووسم النهايه بنحطها اول الكلمه فى الوسم التانى

احنا بنستخدم وسم البدايه عشان المتصفح يعرف

وبنستخدم وسم النهايه عشان اقوله خلاص الليله خلصت متنفذش الامر دة تانى

تمام

يبقى احنا حنفتح الصفحه ونكتب الاوامر ذى كدة



<html>

<head>

<head/>

<body>

<body/>

<html/>


تمام انت كدة عملت صفحه نت

على فكرة دى اول حاجه بيبدا بيها الموقع (مشوار الميل بيبتدى بخطوة)

انا نسيت ما اقولك

ان كل وسم ليه خصائص بتميزة وبتخليه حلو كدة وشيك بين اخواته

دلوقتى لو عايز تكتب او تعمل اى حاجه لازم يكون فى body

متخرجش عنه

دة محتوى الصفحه

احنا حنتعلم النهاردة وسمين كفايه عليك
حنتعلم اننا نكتب سورة قصيرة من القران الكريم

اول حاجه احنا عايزين نكتب اسم السورة

يبقى عايزين امر العنوان

امر يعنى وسم يبقى احنا عايزين وسم العنوان

وسم العنوان هو <h1> بنكتب العنوان بينهم<h1/>

على فكرة حتعرف بعدين ان تقدر تكتب اكتر من عنوان فى الصفحه وباحجام مختلفه (شفت المفاجئه)

المهم دلوقتى
انت حتكتب سورة الكوثر

يبقى حتكتب كدة <h1> سورة الكوثر <h1/>

الصفحه حتكون كدة

<html>

<head>

<head/>

<body>

<h1> سورة الكوثر <h1/>


<body/>

<html/>



اوك دلوقتى انا محتاج اكتب السورة طب معقوله حكتب الايات كدة فى الصفحه

لا طبعا

عشان تكتب فقرة يبقى انت محتاج امر الفقرة

يعنى وسم الفقرة

طب ايه هو وسم الفقرة

<p> <p/>

دة الوسم اللى انت حتستخدمه


بص الصفحه حتكون كدة

<html>

<head>

<head/>

<body>

<h1> سورة الكوثر <h1/>
<p> بسم الله الرحمن الرحيم<p/>

<p>إِنَّا أَعْطَيْنَاكَ الْكَوْثَرَ

<p/>

<p>فَصَلِّ لِرَبِّكَ وَانْحَرْ

<p/>

<p>إِنَّ شَانِئَكَ هُوَ الأَبْتَرُ

<p/>

<p> صدق الله العظيم<p/>

<body/>
<html/>
طيب دلوقتى احفظ اللى انت عملته

اضغط على file

SAVE AS

واختار المكان اللى حتحفظ فيه (احسنلك سطح المكتب )

بعيدين اختار

لو خدت بالك

حتلاقى اسم الملف (FILE NAME)

سيبك منها


(SAVE AS TYPE )

دى خليها (UTF-8)

حقولك فايدتها بعدين

تمام كدة

افتح الصفحه وحتلاقى الصورة لو واجهتك اى مشكله قول اى هى لان غيرك ممكن يستفاد منها

دلوقتى دة درس مفصل بسيط

فكرة عن الهتمل انا بس مقدرش اديك كل حاجه عن الدورة

تمام

نتقابل ان شاء الله فى الدرس مفصل الثانى

















©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©