قصتي مع بنت خالتي ((في نفس الوقت سلفتي)) ؟؟؟؟تفضلوا واحكموا

بسم الله الرحمن الرحيم
رايحة ادخل في الموضوع على طوووول.,.,.,.,
انا والحمد لله علاقتي ببت حماي كتير منيحة وبحاول ازا غلطت معاهم اصلح الغلط بسرعة ((يعني ازا حكيت كلمة مش مقصودة بسرعة بفسرها لان بيت حماي لازم تنقي الكلام قبل ما تحكيه ,,حساسين كتير وبفسروا الكلام وهاي الشغلة عقدتني لدرجة لمى بجي عندهم بضل ساكته وبحكي خفيف همه بفكروني زيهم بلمح بالحكي بس والله هالحركات ما بحبها بس هم ازا ما عجهم فيني شي بيحكولي بالتلميح ))

على فكرة شكلي نسيت الموضوع ..ههههه
المهم في يوم من الايام كنت عند اهلي وماما صارت تحكيلي ليش ما تدلي سلفك على بنت خالتك فرح مشان يتزوجها (وهاد سلفي قمه اخلاق ومهندس بصراحة كل شي في منيح) المهم ...بدل ما اتصل على حماتي اتصلت على سلفي قلت له في عندي الك عروس مواصفاتها هيك هيك ..بصراحة انبسط كتير وحكى خلص وتم النصيب..وطول ايام الخطبة والله العظيم ..ساويتها ملاك فاهمين شو يعني ملاك صرت احببهم فيها وامدحها كتير كتير وكنت فرحانة ومبسوطة اكتر ما بتتصورو لاني ساكنه بعيدة عن اهلي وكنت حابه تجي تونسني واه اه
ياريتني ما سمعت كلام امي ,,,,بس الله المستعان
كانت الي سلفة متزوجة قبلي عملتلي مشاكل وكانت تحرضني على زوجي وتحكيلي كان خاطب قبلك وكان يدلع خطيبته ويشتريلها وكانت ملكة جمال والله كانت تقهرني وحتى الكل كان يحكيلي ما بعرف يمكن غيرة بس والله مو يعني اني مش حلوة بالعكس بشهاده الجميع جميلة بس الله يسامح الكل ,,
المهم وصيت بنت خالتي وقلتلها ديري بالك من ()ولا تحكي قدامها شي
والله مشان ما تجرب اللي جربته والله كنت بفكر بمصلحتها الله يسامحها

..وكنت اعلمها واحكيلها شو بحبو وشو بكرهو,,,,اه والصدمة كل اللي كنت احكيلها اياه وصلته وزيادةةةةةةةةةةةةة عليه ومع افتراء علي الله يسامحها وهاد كله بس مشان تكسب المحبه على رايها,,, ياالله كنت اتخيل الغدر من الكل الا من قرايبي الله يسامحها بس وبعد هيك الكل اتفق علي وتغيرت المعاملة من الكل معي بسب الكلام اللي حكته عني وفتنتي مع سلفتي وبنت حماي عملت معي مشكل كبير والشي اللي بخليهم يصدقو كلامها هي جديده وانا صار بيني وبينهم مشاكل (احدات المشكله اللي كتبتها)وسلفتي الاولي بتكون حماتي خالتها يعني بيصدقوها
,,بصراحة ضعت بالحكي لان صدمة كبيرة علي

وكمان زوجي زعل مني وقالي كله منك ليش ما حكيتيلي من البداية المهم
الواحد ما يدخل بزواج ويضل بعيد ..والخلاصة اذا اكرمت الكريم رفعك واذا اكرمت اللئيم تمردا ,,,,شو رايكم بالقصة بتمنى اشوف ردودكم بتنور صفحتي,,,,


موضوع حصري لمنتديات شباب باتنة