انا قلبي مكسور وحزين وكرهانه حياتي وهاي قصتي

مرحبا يا أحلى سيدات بالمجتمع انا عضوه جديدة بينكم كنت شوف المنتدى وبجد حبيت أكتب همي وحزني وجرحي بصراحة ما عرفت وين أكتبه بإي قسم ، بس المهم انا بحاجه افضفض والله وقصتي كالآتي :
انا بنت عمري 23 سنة بجد مخنوقة وحزينة وبعيش بكآبة الله بيعلم فيها ، الحمد لله علاقتي بربي منيحة مع أنه في أغلاط ، مشكلتي كالآتي بلشت لما دخلت الجامعه ، عرفت شب بطريقة غير عن كل الطرق بالعالم والله ع ما أقول شهيد ، يومها حلمت بشب وثاني يوم صدفته طبعا انا ما صدقت عيوني والله حكيت عادي ممكن شفته وصورته ظلت ببالي ، شوي شوي الشب بجد كان بيطلع عليه بطريقه إعجاب وحب ، وظلت ع الحال وحلمت بإسمه وطلع صح ، وحلمت بمكان الي عايش فيه وطلع صح وكمان والله انه حلمت حتى برقم تلفون ممكن انتو ما تصدقوني بس اقسم بالله هاذ الشي صار معي ، طبعا الشب غايب والله انه بحياته ما أذاني او انه عمل شي غلط الحمد لله لانه انا بخاف من رب العالمين مشكلته هو من فلسطين وانا من الأردن مستحيل يصير ارتباط وبحياته ما كلمني ولا صرح الي بحبه ، بس الحب الي بعيونه واضح جدا ، واستمرت ع الحال 3 سنين صرت احبه جدا ، يومها صمت ودعيت ربي انه يشيل الحب هاذ من قلبي ويبعث إلي ابن الحال ، وفي نفس اليوم كنت عامله حساب ع الفيس بوك ضافني واحد من نفس العشيرة وقبلته واول شي حكى معي حكى انا فلان ابن فلان بدي ياك ع سنه الله ورسوله طبعا كان بيعرفني من وانا صغيرة وكمان بينا قرابة وكمان جيرانا بس ما بعرفه كنت ابدا حتى شكله ما كنت اعرفه ، حكيت يا بنت هاذ ربك بعثه مشان يدوي جروحك ومن هون بلشت قصتي ، طبعا وافقت عليه لانه شب منيح محترم وهو كمان غايب ما شفت منه شي مش منيح وحكى مجرد ما أتوظف رح اخطبك وكمان حكيت إله انه اهله بيعرفوا حكى اته بيعرفوني وموافقين علي ، وبلشت انا واياه ع الفيس وبعدين صرت ع التلفون ، بجد كنت خايفه لانه هاي اول مرة بحياتي اعمل شي غلط بس بجد كنت مجبورة قلبي كان بدو يطيب ، طبعا الشب كان موعود بشغل وهو حاليا بدرس عمره 26 سنه ، وإلي سنتين بعرفه ،اول صدفه كان نفس عيد ميلاد الشب الاول بجد ما صدقت صدفة بجد غريبه سبحان الخالق ،طبعا حسيت حالي نحس عليه كل ما ينوعد بشغل ما بتزبط معاه بتخرب بآخرها وظل ع الحاله سنه ، ضغط حاله مشان يخطبني ، وفعلا اتوظف من هون وحكى لاهله ثاني شهر يخطبوني ، طبعا انا انصطدمت ابوه كان بدوياني وفجأة بطل حكى ما في تتجوز قرايب أو من نفس المحافظة وظل مشاكل مع أهله تقريبا 5 شهور واخيرا ابوه اقتنع ، اول مره حكالنا بشهر 5 وبعدين اجل وبعدين حكى 6 وأجل وبعدين اخذت منه وعد في 9 وأجل لاخر السنه ، طبعا ما بدي احكيلكم عن قلبي المكسور بجد صرت أكره أبوه مع أمه مع حالي صرت أشك انه أهله بيكذبوا علينا شي بيحكوا ما في مصاري شي بيحكوا انه أبوه مريض والله انا نفسيتي تعبت جداً، ما أحكيلكم عن الشب والله صار من الزعل ينام في المستشفى وصار معه دسك وصار معه كل الامراض من ورى الزعل ، حكيت إله شكل ربي ما بدو يقسم إلنا إتركني ولما حكيت إله حكيت حاول ينتحر لانه ما تحمل بس الحمد لله انه سلمه ، بجد بنات هو شب منيح بس انا نفسيتي تعبت معاه انا رفضت عرسان بالهبل اجاني ناس ع مستوى عالي شي طيار شي ضابط شي مهندس وانا برفض مشانه ، انما مش عارفه شو اعمل انا خايفه اخسر كل شي ،(اتحمله شهرين جداد وله انهي محتاره والله )
أنا بحبه كثير بس خايفه انجرح قلبي تعبان وحياتي متعبه
إدعولي همي يفرج ..........
واسف اني طولت عليكم امانه ساعدوني ..........


موضوع حصري لمنتديات شباب باتنة