زوجي مايحب الغزل وكلام الحب .. ؟

مرحبا

كيفكم سيداتي سادتي

زوجي المصون طيب معايا وحياتي ما احس فيها تغيير كلو روتين بروتين ممله

حاولت اغير بس موكل شي بيدي

وزيادة اوضاعه المادية سيئة بسبب الديون

يلا ماعلينا من هذا كلو

بس مايفضى عشان يطلعنا نزهه غير مرتين بالشهر واغلب وقتي للجيران

طيب موهذا موضوعنا الزبدة انو على هالبلاوي الي معيشني فيها والي انا راضيه بنصيبي فيها


ماحاول يخفف عني بكلام الحب والدلع والرومنسية .. ياربي اتنازل عن كل شي في الحياة

حتى عن اهلي بس ما اقدر اتنازل عن العاطفة والحب وكلام العشق

ليش هو كذا حاولت اغيره بس عجزت المصيبة انو هو اعداني

صرت انا الي ما اقدر اعبر عن مشاعري مثل اول

تخيلوا قاعده اقرأ بدفتر سويته له اهداء ايام بدااااااااية زواجي واحتقر نفسي

واحس اني كنت غبية لما كتبتله هذاك العشق والهيام

المفروض ما احس هذي المشاعر بس حسيتها

وزعلانة على نفسي

بتقولولي مومشكلة كبيرة بس والله كبيرة عندي جاف بارد يحس ويفهم ويشوف

بس مايتكلم !!

حتى مره رحت اقص شعري والكل انهبل عليا من جاراتي واختي ولما شافني رفع ابهامه هذيك حركة قود بس ,, وماقال حلوة ولاشي

تحطمت انا ادري اني حلوة و...الخ

بس ابي اسمع هالشي منو كلنا حريم ونحس ببعض اكيد فهمتوني

انا ماعندي الا طفل واحد وهو جاف كذا معاي وشلون لاخلفت كثير

كيف بيصير ؟؟

هو مرح وفكاهي ويحترمني الحق ينقال بس جاف مشاعره معاي جافه

حتى لومارحت اطارد وراه بمكان نومه مايجي ينام معاي عادي عنده

يقول انا عندك بالبيت

واحسه انسان مغلق عندي موفاهمه شي عنه وعن شؤون حياته

بس اقعد اكتشف

وانا كتاب مفتوح لكل شي

بالله وشلون اتعامل معاه ما اقدر اعيش بدون عواطف ما اقدر

طلبته الطلاق بخصوص هالموضوع وقعد يضحك احتقرني


موضوع حصري لمنتديات شباب باتنة