عايزة افضفض

اولا انا زوجى حريص مش بخيل بس بيحب يعمل حساب لبكرة وكمان والده اى حاجة تحصل فى البيت يهددنا انه هيطلعنا من الشقةلان البيت باسمهفزوجى بيعمل المستحيل علشان نشترى شقة خاصة بينا ومانكونش تحت رحمة حد انا متجوزة من سنتين ونص ومعايا طفلة 5 شهور انا فى بيت والدى ماكنتش بخرج اشترى مستلزمات البيت خالص ولا عندى فكرة الخضار والفاكهة دول اشتريهم ازاى ودا عامل معايا مشكلة دلوقتى
المهم من يومين رحت اشتريت بطيخة بس كانت كبيرة جدا اصلا حجمها مش طبيعى فاول ماروحت وزوجى شفها قالى ايه دا كل دى بطيخةالحاجات الكبيرة دى ياحبيبتى بتكون متهرمنة ومالهاش طعم المهم حطيتها فى التلاجة وما فتحتهاش غير تانى يوم بس كان طعمها استغفر الله يقرف
وكنت عاملة غدا جميل والله كفتة وسلطة وطحينة وحاجة ساقعة والذى منه المهم اتغدى وشكر فى الاكل واول ما كل من البطيخة زى مايكون كل سم

فضل يشتمنى باهلى شتايم زبالة ويزعق ويقولى انتى مابتفهميش اى حاجة فى امور بيتك دى بطيخة تشيليها من مكانها طعمها زفت وفضل يتخانق حوالى نص ساعة وانا اعيط ومابردش وبيقول انى مش حاسه بلصغوط اللى عليةومسرفة المهم انه تانى يوم فضل يصالح فيا ويعتذرلى ويقولى فداكى كل فلوس الدنيا وكلام كتير حلو بس انا مش قادرة اسامحةوانسى الشتايم اعمل ايه


موضوع حصري لمنتديات شباب باتنة