نبدي الدرس مفصل ....
اليوم درس مفصلنه عن اداة الختم وشلون ترسملنه جزء من الصوره بالخلفيه مثل هاي الصوره
هسه نجي نشوف اداة الختم وين صايره ...
وحنطبق درس مفصلنه على هاي الصوره
هسه احنه ننسخ وجه هالبنيه الاموره وحنطه بالخلفيه مثل ممسويه بالتطبيق ...
طبعا بعد الضغط على اداة الختم ..نضغط على ( الماوس + Alt) بوقت واحد ..حنشوف شكل المؤشر حيتغير حيصير دائره وبداخله مثل علامة الزائد مثل ماموضحتلكم بهاي الصوره ....
هسه انمرر الماوس طبعا وحنه ضاغطين علي وعلى Alt بوقت واحد مثل مكتلكم انمرره على كل الوجه .. وبعدين نروح للخلفيه ونضغط على الماوس فقط . و نحرك الماوس واحنه ضاغطين علي حنشوف الصوره نفسه حتنطبع ... (وهاي صوره توضيحيه اثناء العمل)
وباستمرارنه لتحريك الماوس حيظهرلنه كل الوجه بالخلفيه مثل هاي الصوره
هسه نجي لاستخدام اخر لاداة الختم ولي هو ازالة جزء من الصوره غير مرغوب فيه كأن يكون حقوق طبع او ماركه من دون ميأثر على الصوره .. هسه البعض يكول ليش منمسحه بلممحاة ...اذا مسحناها بالممحاة جزء من الصوره حينمسح بينما احنه نريد نزيل حقوق الطبع مثلا من دون منمسح شي من الصوره يعني كأنه هاي الحقوق اصلاً مموجوده ...
عدنه هاي الحقوق مثلا نريد نزيله من الصوره انريد الصوره فقط خلفيه صفره من دون اي كتابه ...
حنسوي نفس العمليه الي مارسناها بالتطبيق الاول حنمارسه هسه ...
نروح على الجزء الاصفر ونضغط على (الماوس + Alt ) بعدين نروح على الكتابهالي نريد نزيله ونضغط على الماوس فقط ونبدي نزيل الكتابه ..وهاي صوره توضيحيه اثناء العمل ..
وبهالطريقه نمسح الحقوق كله الى ان اتظل عدنه الصوره خاليه من الحقوق
الدرس مفصل اليوم سهل وتطبيقه ايضا سهل بس اتمنى اتكون وصلت المعلومه ...كالعاده كلي اذان صاغيه لاسألتكم وستفساراتكم وأذا شي مافاهمي برحابة صدر اعيدلكميا بشكل مبسط اكثر
أوصيكم بالدعاء لي ولوالدي
رابط الموضوع الاصلي
http://h-zman.com/vb/showthread.php?t=11077
باقي دروس الدورة
http://h-zman.com/vb/forumdisplay.php?f=133
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
رد مع اقتباس
