حدي منهاره...المتزوجات يدشوا بليز

أمس رجعت من الدوام على طول الكليه والساعه 9 المساء رجعت الشقه حدي مرررررررهقه وهلكانه وخصوصي الدوره موعدها اليوم وزايده تعبي ومخليه نفسيتي زفت!
أمس حسيت بطني يعورني وصدااااع،وجسمي متكسر وعلى غير العاده ماا قدرت أسهر مع زوجي واعطيه كامل حقوقه،،من التعب سويت العشاء لزوجي بس ما قدرت حتى اتعشى،
رغم اني كنت حدي جوعاااااااانه بس التعب سد شهيتي وما فيني اي طاقه ابذلها ع الأكل....حتى سكبت لي لبن وما قدرت أكمله،،

وكنت اشتكي لزوجي وظنيت انه بيحس بي،،،لكنه كان يلومني ع عصبيتي وخبرته لانه الدوره قريبه!

وبعدها طلب مني ............. اللي قبل النوم،(ما يحتاج اذكر أو ألمح أتوقع فهمتوا.....)!

قتله ما اقدر بليز سامحني حدي تعبانه ،،،
وأصر وأصر وجلسنا أكثر من ساعه وهو على هذا العناد.....،سابقآ ولو ميته من التعب عودته أوافق!
لكن أمس استغربت منه كيف ما يحس بزوجته ويرحمها.........!
يقولي بتجيك الدوره واليوم آخر يوم وظل معصب وزعلان ويعااااااند!
وانا مصممه ع رفضي والله ما قادره وف نفس الوقت قررت خلاص ما راح اعوده اذا ميته تعب او مريضه اوافق!

المهم من التعب وهو يضغط علي انهرت وقمت ابكي بصووووووووت وانحب وادفره واقول كلام ما حاسه فيه لدرجة قلتله ما طايقتنك وانت ما صاحي وانت جاهل و
خوز عني
_مثل ما قلت نفسيتي كانت زفت_وزوجي زادها انصدمت منه!

فالاخر لما شاف ما شي فايده سمعني كم كلمه وطلع من البيت وراح البلد بيت أهله!!

بنات اعرف الموضوع محرج بس بليز مداومه ونفسيتي حزينه ومكتئبه وقلت مالي غيركم اشكيله!
واعرف انه اذا نام زوجها وهو ف خاطره تلعنها الملائكه ومن هالمنطلق الرجال مشوا عليه وعلقوا كل أعذارهم ع هالمنطلق،،بس نسوا انه المرأه انسان له مشاعر ونفسيه وصحتها احيانا ما تسمح ولازم الزوج يبين تعاطفه ورحمته.......!

بالنسبه لي الكليه مرتين ف الاسبوع مره اخلص المغرب ومره مثل أمس اخلص ع ساعه9 ودوم ارجع اخلص واجباتي الزوجيه كاااااااااامله والله،ارتب البيت،
اطبخ،ابخر المكان/اسبح واتعدله،واسهر معاه...
وعاد اذا ف يوم قتله تعبانه ما كنت اتمنى تكون هذي ردة فعله ولا حتى رحمني!!
ما دوم بجلس اسايسه واتدلعله عشان يخليني ،،هالمره كان ودي يفهم أول ما اقوله: بليز مريضه ما قادره!

بالرغم من انه يحبني وانا له بالدنيا ودوم حنون معي،،بس اعتقد المشكله انه عنيد و صغير بالسن وقلة الثقافه وعدم الاطلاع هي اللي تخليه ما يعرف يتعامل مع المرأه!


موضوع حصري لمنتديات شباب باتنة