..
صبـ احكمـ / مسـ اءكمـ ورد ..
جايبه لكمـ اليوم احد دروسي .. اللي احسـه مفيـد كثيـر ..
للي ماعندهمـ خلفيه عن استخدامـ الاشكـال .. 
/
\
نلاحظ أحيانا بعض التصاميم اللي تكون بصورة غير عن الأشكال المعتادة ..
المربع أو المستطيل .. يعني تكون مثلا بشكل قلب أو نجمه أو فراشه أو بأي شكل عشوائي ..
لاحظوا هنا هالتصاميم بأشكال مختلفة ..
كل تصميم أضفت معاه الشكل المستخدم .. /
من خلال هالدرس مفصل راح أشرح طريقة بشكل مبسط إن شاء الله عن طريقة عمل مثل هالتصاميم ..
في البداية .. لما نخلص من خلفية التصميم عندنا بشكلها المعتاد ..
ندمج كل الطبقات بالأمر التالي .. Layer >> Merge visible
ولنفترض هالصورة أهي تصميمنا علشان نطبق عليها الدرس مفصل ..
نروح نختار الشكل اللي نبيه ..
ويفضل عند الاختيار أنه يكون مناسب ومعبر بدرجة كبيرة ..
ويكون من الأشكال اللي تكون فيها المساحة كبيرة ..
وكمثال على هالنقطة إذا ما كانت واضحة أقصد فيها الأشكال اللي باللون الأحمر ..
بعد الاختيار نضيف الشكل عالصورة ..
وبعد الإضافة حاولوا تغيرون في نمط شفافية الشكل ..
علشان تقدرون تحددون الجزء اللي تحتاجونه من الصورة بدقة أكبر ..
وبعد التحديد .. اضغطوا بزر الفأرة الأيمن على لير الشكل ..
واختاروا من الخيارات اللي راح تظهر .. هالخيار Rasterize layer ..
علشان يشيل التحديد الأصلي للشكل ..
الحين من الأدوات اختاروا أداة العصا السحرية للتحديد ..
واضغطوا في أي مساحة خارج الشكل ..
بعد ما يتحدد عندكم الشكل .. مثل ما هو واضح بهالصورة ..
اختاروا لير الصورة .. وبعدها اضغطوا من الكيبورد على خيار الحذف "Delete" ..
راح تنحذف كل الأجزاء اللي بتكون خارج إطار الشكل ..
وبهالطريقة نكون أنهينا تصميم الصورة بالشكل اللي نبيه ..
ومابقى إلا إضافات بسيطة مثلا تحديد الشكل .. أو إضافة بعض الكلمات .. والحركتات التجميلية ..
بعدها نحفظ هالتصميم بامتداد gif .. علشان ما تظهر له خلفية بيضاء تشوه جماله ..
خصوصا لو بغينا نعرضه بمكان خلفيته بلون غير الأبيض ..
هذا تطبيق بسيط بنهاية هالدرس مفصل ..
إن شاء الله أكون أفدتكم بهالموضوع ..
وأي سؤال أو استفسار بأي نقطة ما هي واضحه أنا بالخدمة ..
..
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
]
رد مع اقتباس
