بسم الله الرحمن الرحيم


اليوم راح اقدم لكم درس مفصل هو سهل وصعب لكنه حلووو والنتيجه
احلى


طبعا اخونا الغالي سليمان الفريدي طلب تعلم خطوات هذا التصميم البسيط



وانا سويته بس مشكلتي نوع الخط مااعندي لكن حصلت مثله تقريبااا
تقدرون تحملونه من هني

http://www.bwady.net/psd/up/fonts_ar/DIWANBNT.zip


والحين نبدا في درس مفصلنا لهذا اليوم وهو درس مفصل النص اللامع بحركه النجمه ...

اولاااا

نفتح اول شئ صفحه بقياس 300x300 او باي قياس مطلوب طبعا
يعتمد ع حسب حجم الخط اللي راح نكتب به الاسم

المهم

راح نكتب الاسم وطبعا نسوي له الحركات اللي حنا نبيها من حيث نوعيه
الخط واللون المطلوب



وكما بتلاحظون في الصوره السابقه ان اللير تكرر لاكثر من مره والسبب هو
عشان نسوي الظل اللي وراا الصوره واحنا نحركه عشان يعطي لمسه حلوه للنص

وبعدين راح نختار الفرشه الملونه بلون الوردي في الصوره التاليه



ونختار فرشه النجمه واللي ماعنده يقدر يحملها من هالرابط
http://psd.beach2.net/download.php?id=380


ونختار شكل النجمه اللي تعجبنااا

ونروح لصفحه الليرات ونقوم باضافه لير جديد بالضغط ع المربع كما
هو موضح في الصوره التاليه


بتكون عندنا هالنتيجه


بعدين نقوم نحط النجمه في اللير الجديد وبيكون ع النص كما في الصوره التاليه





شوفوا النجمه على حرف (س)

المهم الحين خلصنا من البدايه وبيكون كل شغلنا ع الايميج ريدي
نطق ع الاشاره اللي باللون الوردي من قايمه الادوات كما في الصوره التاليه



وبعدين راح تفتح لنا صفحه يديده وفيها الصوره وبنحتاج حق هالاشياء
الموجوده بالصوره التاليه



1:النص اللي تم كتابته
2:مربع الليرات
3:مربع Animation

وبعدين نروح ننسخ اللير من ال Animation بواسطه المربع اللي
باللون الورد الموضح بالصوره التاليه


بعدين لما نسخنا الصوره نقوم نحرك النجمه للنص ونخليها باخر خط في الكلمه

(مثل ما انتو ملاحظين كلمه سليمان تحتاج الى اكثر من وقفه يعني مانقدر نحط
النجمه اخر الحرف فنقوم نحركها لاخر خط بحرف السين كما في الصوره التاليه )



وبعدين شلون نخلي النجمه تتحرك طول هالمسافه ؟؟

نروح نطق ع الدوائر الموجودين باللون الوردي كما بالصوره التاليه
وراح يطلع لنا مربع وندخل القيمه اللي احنا نبيها عشان نخلي المسافه
اللي راح تمشي بها النجمه

طيب انا حطيت 2 لان المسافه صغيره



ونطق اوكي

وشوفوا النتيجه



اذا كنتو تبون تشوفون شغلكم قبل ماتكملون طقوا ع الاشاره اللي باللون
الوردي في الصوره السابقه

شوفوا شغلي هني شلون صار


طيب نكمل

الحين نروح حق اخر لير في Animation ونطق ع المربع المبين لنا باللون
الوردي في الصوره التاليه



وبتلاحظون الصوره بتنسخ ونروح من خلال الصوره المنسوخه بتحريك النجمه
في النص لحرف اللام من فوق كما في الصوره التاليه



وبعدين نطق نفس المربع السابق وبتنسخ الصوره ونحرك النجمه من النص لااخر
حرف اللام كما في الصوره التاليه



وبعدين راح نكرر نفس الحركه السابقه اللي هي نطق ع الدوائر ذيلين



ونحط القيمه المراد وضعها لتحريك النجمه ونواااصل ونرجع ننسخ اللير الاخير
بواسطه ونحرك النجمه للحرف اللي بعده ونرد ننسخ اللير بواسطه
ونحرك النجمه لنهايه الحرف المطلوب ونرجع نطق ع الدوائر ونحط
القيمه المطلوبه ونواصل لنهااااااااااايه النص

وعقب راااح تحفظونها وشوفوا النتيجه








©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©