معقول وحده تحب زوجها لهالدرجه ؟؟؟؟

بسم الله الرحمن الرحيم
يابنات ياحلوات يامتزوجااات بدخل بالموضوع مباشره وبحاول اختصر قد
مااقدر اتمنى اشوف ردود تبرد على قلبي
..انا متزوجه من ثلاث سنوات والحين
حامل بالشهر الثامن والحمدلله حياتي
مستقره نوعا ما,, بس مشكلتي هي اني في السنتين الاخيره صرت أحب زوجي حب مو طبيعي لدرجة الجنون بالرغم من تقصيره معي في بعض الامور وخصوصا الناحيه
الماديه..أكيد بتقولون كلنا نحب ازواجنا بس والله اللي اعانيه انا
معذبني بمعنى الكلمه وراح اقولكم بعض
الامثله..مثلا اذا تزاعلنا وقال لي روحي
بيت اهلك يخليني أسبوع تقريبا اقعد طووووول هالفتره بس ابكي ودموعي ماتوقف
احاول اطنش مااقدر وطول الوقت عيوني
ع الجوال احتري منه مسج او اتصال وأعيش بهم وغم لين مايدق او يجي
ياخذني وقتها ماتتخيلوا الفرحه اللي
احس بها بس ماابين له.. بالرغم ان
اغلب مشاكلنا يكون هو الغلطان مو انا
.. عكس لما الغلط يكون مني أحس بتأنيب ضمير طول الوقت واقعد الوم نفسي لدرجه
ماتتخيلونها وبنفس الوقت مااتنازل اعتذر منه بسهوله بس مو بكيفي هالشي.. وغير كذا بعد احب اكون معاه طول الوقت
وأحب اسولف معاه كثير وحتى لو كنا بنفس الغرفه مااحب اكون بعيده عنه لازم
قريبه منه ويدي بيده ولا يجيني نوم الا
اذا نام قبلي وع السفره ماامد ايدي الا قبل مايبدا هو وبقولكم شي
بعد يمكن تستغربون منه .. من كثر
مااحبه تخيلوا اذا قضينا اغراض من البيت او المطبخ احاول انا اشيل اكبر قدر ممكن من الاغراض بس عشان مااتعبه
وكمان اذا قال لي مثلا انه يبي يسافر
اتضاااايق مره واقعد بس ابكي يقول
لي ليش تبكين ماني مطول اقول له مو
ع المده انا ابكي اخاف لايصير لك شي
بالطياره ولا باي مكان ووووو غيرها
مواااااااقف كثيره ,,والله يابنات
اني عايشه بوضع ماادري كيف اشرح لكم
حبي الزايد لزوجي معيشني بعذااااب
بمعنى الكلمه نفسيتي تعبت والله العظيم
اني اتعذب كثير كثير .. ماادري وش
اسوي ادري طولت بالكلام ويمكن تقولون
هذي ماعندها سالفه بس والله العظيم
اكتب لكم وانا ابكي ,, مين مرت بنفس
حالتي واللي عندها نصائح ياليت ماتبخل
علي ,, انصحوني باي شي .. واللي بتقول
يمكن سحر او شي من هالخرابيط اقول
لها لا مااتوقع لاني متأكده اني احبه حب
من قلب .. تكفون شوفوا لي حل ولكم
دعوه خالصه بالغيب ..


موضوع حصري لمنتديات شباب باتنة