زوجي ولابتوب

السلام عليكم ورحمة الله وبركاته

كيف الحال ان شاء الله تمام
راح ابدء بسالفتي ع طول..و .انا متزوجه ولي 3سنوات وكانت اجمل سنين حياتي بس الشهور الاخيره اول شي صار يفتح جواله واذا جلست بجنبه يقفل اللي كان عليه او يلف الجوال ويقول شي خاص بيني وبين صديقي تحملت وسكت واشترى لابتوب وصار 24ساعه عليه قلت مو مشكله فرحان فيه بس قهرني اني اكلمه واسولف معه ولا كاني اتكلم دخلت ولا طلعت كله واحد دايم يكتب اذا جيت جلست جنبه يلف الابتوب بخوف ويطالع فيني اقوله وش فيك يقول فيه كام قلت اوكي غط ع الكام ويرفض اقول بجلس اسولف معاك يقول بعدين ماصار يسولف معاي حتى بعض الاحيان ينام وهو مواصل صرت اكره اسلوبه صرت اشك فيه بشكل مو طبيعي تعبت وتعبت نفسيتي صرت ابكي بدون سبب وراسي دايم يوجعني صرت يوميا اتمشكل معاه تخيلو مره رحنا عند اخوي واحنا ع العشا قلت له اليوم بنام عند اهلي قال خلاص روحي نامي انا انقهرت منه لانه مو طبعه كذا جلس اخوي يطالع فيه اسلوبه مو كذا ماكان يستغني عني حتى لو دقيقه واذا طلبته يدوب يوافق لانه مايستغني عني عشان كذا تفاجأت فيه وانصدمت

مره فتحت ايميله لقيت فيه بنات لليل وخاصمته وواجهته ويحلف لي انه مو هو اللي ضايفهم انه ايميله يدخلون عليه زملائه ويمكن هم اللي ضايفين البنات وماصدقته لانه هو غيور ومستحيل يخلي زملائه يدخلون على ايميله وانا مضافه عنده

يابنات والله مقهوره تعبت تعبت نفسيتي تغيرت 180درجه ماصرت اتكلم بسببه وش اسوي معااااه اعطوني حل لمشكلتي تكفوووون


موضوع حصري لمنتديات شباب باتنة